କଟକ: ତୁଟିଲା ଓଡ଼ିଆ ଗାୟକ ହ୍ୟୁମାନ ସାଗର ଓ ଗାୟିକା ପତ୍ନୀ ଶ୍ରେୟା ମିଶ୍ରଙ୍କ ପାରିବାରିକ ବିବାଦ I ଆଜିି ଉଭୟ ପକ୍ଷ ଥାନାରେ ହାଜର ହୋଇଥିବା ବେଳେ ଦୁହିଁଙ୍କ ମନ ମିଶିଛି। ଆଉ ଆଗକୁ ମିଳିମିଶି ରହିବେ ବୋଲି କହିଛନ୍ତି, ଶ୍ରେୟା ଏବଂ ହ୍ୟୁମାନ। ଦୁହିଁଙ୍କ ମଧ୍ୟରେ ଉଠିଥିବା ବିବାଦର ସମାଧାନ ହୋଇଛି ଏବଂ ଆପୋସ ବୁଝାମଣା ହୋଇଥିବା ହ୍ୟୁମାନ କହିଛନ୍ତି। ସେହିପରି ଶ୍ରେୟା କହିଛନ୍ତି ଯେ,ଯାହା ଭୁଲ ଥିଲା ସବୁ ବୁଝାମଣା ହୋଇଛି। ଏଣିକି ଦୁହେଁ ମିଶି ରହିବେ।
ସେହିପରି ହ୍ୟୁମାନଙ୍କ ମାଆ କହିଛନ୍ତି ଯେ, ସେମାନେ ଏଣିକି ମିଶିକରି ରହିବେ। ଏନେଇ ଏସିପି ମଧ୍ୟ ସମାନ କଥା କହିଛନ୍ତି, ଉଭୟ ପକ୍ଷ ମଧ୍ୟରେ ଆପୋସ ବୁଝାମଣା ହୋଇଛି, ତେବେ କିଛି ଦିନ ପରେ ଶ୍ରେୟା ହ୍ୟୁମାନଙ୍କ ଘରକୁ ଫେରିବେ ବୋଲି ସେ କହିଛନ୍ତି। ଆଜି ମହିଳା ଥାନାରେ ଉଭୟ ସ୍ୱାମୀ ଓ ସ୍ତ୍ରୀ ପରିବାର ସଦସ୍ୟଙ୍କ ସହ ହାଜର ହୋଇଥିଲେ।
Comments are closed.