ନୂଆଦିଲ୍ଲୀ :ମୋଦୀଙ୍କ ବଡ ଘୋଷଣା ! ଆଉପାଦେ ଆଗେଇଲା ଭାରତୀୟ ଡିଜିଟାଲ ଅର୍ଥନୀତି I ବାହାର ଦେଶରେ ରହୁଥିବା ବ୍ୟକ୍ତି ପାଇଁ ଖୁସି ଖବର ! ଟଙ୍କା ପଠାଇବାକୁ ଆଉ ଯିବାକୁ ପଡିବନି ବ୍ୟାଙ୍କ ! ବାହାରେ ଦେଶରେ ଥିଲେ ମଧ୍ୟ କରିପାରିବେ ୟୁପିଆଇ ପେମେଣ୍ଟ ! ଭାରତର ଡିଜିଟାଲ ପେମେଣ୍ଟ ସିଷ୍ଟମ UPI ବର୍ତ୍ତମାନ ସିଙ୍ଗାପୁରର PAY-NOW ସହିତ ଯୋଡିହେବାକୁ ଯାଉଛି I
ୟୁପିଆଇର ବ୍ୟବହାର ଦିନକୁ ଦିନ ବଢିବାରେ ଲାଗିଛି । ଆଜି କାଲିର ଯୁବ ସମାଜ ଡିଜିଟାଲ ଟଙ୍କା କାରବାରକୁ ବେଶି ପ୍ରଧାନ୍ୟ ଦେଉଛନ୍ତି । ଦୋକାନ ବଜାରଠୁ ଆରମ୍ଭ କରି ଟଙ୍କା ନେଣଦେଣ ପାଇଁ ସବୁ କ୍ଷେତ୍ରରେ ୟୁପିଆଇ ପେମେଣ୍ଟର ବ୍ୟବହାର କରାଯାଉଛି । ୟୁପିଆଇ ପେମେଣ୍ଟ ସିଷ୍ଟମ ଆସିବା ପରେ ଲୋକଙ୍କୁ ପକଟରେ ଟଙ୍କା କିମ୍ବା ଏଟିଏମ୍ କାର୍ଡ ନେବାକୁ ପଡୁନି ।
ଆଉ ଏହାରି ଭିତରେ ଆଉ ଏକ ବଡ ଖବର ସାମ୍ନାକୁ ଆସିଛି । ୟୁପିଆଇ ସିଷ୍ଟମ୍ ଅନେକ ଦେଶରେ ଚାଲୁଥିବା ବେଳେ ଏହି ତାଲିକାରେ ଆଉ ଏକ ନୂଆ ନାଁ ସାମିଲ ହେବାକୁ ଯାଉଛି । ଭାରତ ଏବଂ ସିଙ୍ଗାପୁର ମଧ୍ୟରେ ମୋବାଇଲ୍ ଆପ୍ଲିକେଶନ୍ ମାଧ୍ୟମରେ ମନି ଟ୍ରାନ୍ସଫରର ସୁବିଧାର ଉଦଘାଟନ ଆଜି ପ୍ରଧାନମନ୍ତ୍ରୀ ମୋଦି କରିବେ । ଏହା ଦ୍ୱାରା ୟୁପିଆଇ ସିଂଗାପୁରର ପେ-ନାଁଓ ସହ କନେକ୍ଟ ହେବ । ତେଣୁ ସିଂଗାପୁରର ପେନାଁଓ ସହ ୟୁପିଆଇ ଯୋଡିହେବା ଦ୍ୱାରା ଦୁଇ ଦେଶ ମଧୟରେ ନେଣଦେଣ ପ୍ରକ୍ରିୟା ବହୁତ ମଜଭୁତ୍ ହୋଇଯିବ । ଅତି ସହଜରେ ଲୋକେ ଅନ୍ୟ ଦେଶରେ ଥାଇ ମଧ୍ୟ ଟଙ୍କା ଟ୍ରାନ୍ସଫର କରିପାରିବେ ।
ଭାରତର ପ୍ରଧାନମନ୍ତ୍ରୀ ମୋଦି ଏବଂ ସିଂଗାପୁର ପ୍ରଧାମନ୍ତ୍ରୀ ଲି ହସିନ୍ ଲୁଙ୍ଗ ୟୁପିଆଇ ଏବଂ ପେ-ନାଁଓ କେନେକ୍ଟିଭିଟିର ଶୁଭାରମ୍ଭ କରିବେ । ପିଏମଓ ତରଫରୁ ମିଳିଥିବା ସୂଚନା ଆଧାରରେ, ପିଏମ୍ ମୋଦି ଆୟୋଜିତ ହୋଇଥିବା କାର୍ଯ୍ୟକ୍ରମରେ ଭିଡିଓ କନଫରେନ୍ସ ମାଧ୍ୟମରେ ଯୋଡି ହେବେ । ଏବଂ ଏହି କନେକ୍ଟିଭିଟିର ଶୁଭାରମ୍ଭ କରିବେ । ରିପୋର୍ଟ ଅନୁସାରେ, ସିଂଗାପୁରରେ ପାଖାପାଖି ୩.୪୫ ଲକ୍ଷରୁ ଅଧିକ ଭାରତୀୟ ରହୁଛନ୍ତି । ଏହି କନେକ୍ଟିଭିଟି ସିଷ୍ଟମ୍ ଆରମ୍ଭ ହେବା ଦ୍ୱାରା ଆଗକୁ ଲକ୍ଷ ଲକ୍ଷ ଭାରତୀୟ ଏହା ଦ୍ୱାରା ଲାଭବାନ ହେବେ । କେବେଳ ଯେ, ଉଭୟ ଦେଶମାନଙ୍କ ମଧ୍ୟରେ ଟଙ୍କା ନେଣଦେଣ ପ୍ରକ୍ରିୟା ସହଜ ହେବ ତା ନୁହେଁ । ବ୍ୟବସାୟ କ୍ଷେତ୍ରରେ ମଧ୍ୟ ଏହି ସୁବିଧା ସହାୟକ ହେବ ।
ଏହି ଅବସରରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଆଜି ୟୁପିଆଇ ଭାରତରେ ସବୁଠାରୁ ଅଧିକ ପେମେଣ୍ଟ ସିଷ୍ଟମରେ ପରିଣତ ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ୟୁନିଫାଏଡ୍ ପେମେଣ୍ଟ ଇଣ୍ଟରଫେସ୍ (ୟୁପିଆଇ) ଏବଂ ସିଙ୍ଗାପୁରର ‘ପେ-ନାଁଓ’ ସଂଯୁକ୍ତ ହେଲେ ଭାରତ-ସିଙ୍ଗାପୁର ଅର୍ଥନୈତିକ ସମ୍ପର୍କ ପାଇଁ ଏକ ନୂତନ ମାଇଲଖୁଣ୍ଟ ହେବ I
Comments are closed.