ଆସୁଛି ରାଖୀ । ତେବେ ବଲିଉଡ୍ରେ ମଧ୍ୟ ଭାଇଭଉଣୀଙ୍କ ଏଭଳି ଯୋଡି ଅଛନ୍ତି ଯାହାଙ୍କର ଅନ୍ ସ୍କ୍ରିନ୍ ଭଳି ଅଫ ସ୍କ୍ରିନ କେମେଷ୍ଟ୍ରି ମଧ୍ୟ ବେଶ ନିଆରା । ବି ଟାଉନ୍ରେ ଏଭଳି ଅନେକ ଯୋଡି ଅଛନ୍ତି ଯିଏ ଭାଇଭଉଣୀର ପବିତ୍ର ସମ୍ପର୍କକୁ ନିଜ କର୍ମ କ୍ଷେତ୍ରରେ ନିଜର ଶକ୍ତିଭାବେ ବ୍ୟବହାର କରିଥାଆନ୍ତି ।
ଏକତା – ତୁଷାର
ବି ଟାଉନ୍ର ସବୁଠାରୁ ପରିଚିତ ଭାଇଭଉଣୀ ହେଲେ ଏକତା କପୁର ଓ ତୁଷାର କପୁର । ଏହି ଭାଇଭଉଣୀ ଯୋଡି ଅନେକଙ୍କ ପାଇଁ ପ୍ରେରଣା । ଏମାନଙ୍କୁ ସମ୍ପର୍କରୁ ପୂରା ଦୁନିଆ କିଛି ନା କିଛି ଶିକ୍ଷା କରିଥାଏ । ଉଭଣୀଙ୍କଲ ନିର୍ଦ୍ଦେଶନାରେ ଅନେକ ସିନେମାରେ ଭାଇ ତୁଷାରଙ୍କୁ ଦେଖିବାକୁ ମିଳିଛି । ବିଭିନ୍ନ ରିଆଲିଟି ଶୋ’ ହେଲା କିମ୍ବା ଅନ୍ୟ କୌଣସି ଉତ୍ସବ ପ୍ରାୟ ସ୍ଥାନରେ ଭାଇଭଉଣୀଙ୍କୁ ଏକାଠି ଦେଖିବାକୁ ମିଳିଥାଏ । ଦୁଇଜଣଙ୍କ ମଧ୍ୟରେ ଥିବା ସ୍ନେହ ଶ୍ରଦ୍ଧା ପାଇଁ ଏମାନେ ସର୍ବଦା ପ୍ରଂଶସା ସାଉଁଟି ଥାଆନ୍ତି ।
ସୋହା ଅଲ୍ଲି – ସୈଫ ଅଲ୍ଲି
ବଲିଉଡ୍ର ବେଶ୍ ପୁରୁଣା ଭାଇ ଭଉଣୀ ଯୋଡି ହେଲେ ସୋହା ଅଲ୍ଲି ଓ ସୈଫ ଅଲ୍ଲି ଖାନ । ଉଭୟଙ୍କ ମଧ୍ୟରେ ସମ୍ପର୍କ ବେଶ୍ ନିବିଡ । ବିଭିନ୍ନ ସମୟରେ ଭାଇଭଉଣୀଙ୍କୁ ଏକାଠି ଦେଖିବାକୁ ମିଳିଥାଏ । କାହାର ଜନ୍ମଦିନ ହେଉ କିମ୍ବା କୌଣସି ପୂଜାପର୍ବ ସବୁଠି ଏମାନଙ୍କୁ ଏକାଠି ସେଲିବ୍ରେଟ୍ କରୁଥିବାର ଦେଖିବାକୁ ମିଳିଥାଏ । ବିଭିନ୍ନ ରିଆଲିଟି ଶୋ’ରେ ମଧ୍ୟ ଏମାନ ଏାକଠି ନିଜ ପିଲାଦିନର ସ୍ମୃତି ତାଜା କରୁଥିବାର ନଜର ଆସିଥାଆନ୍ତି ।
ଫରା – ସାଜିଦ୍ ଖାନ୍
ଫରାଖାନ୍ ଓ ସାଜିଦ୍ ଖାନ ବି ଟାଉନ୍ର ଏକ ପରିଚିତ ନାଁ । ଉଭୟ ନିଜ କାମ ପାଇଁ ବଲିଉଡ୍ରେ ଯେପରି ପ୍ରଂଶସା ସାଉଁଟନ୍ତି,ସେହିଭଳି ନିଜ ସମ୍ପର୍କ ପାଇଁ ମଧ୍ୟ ।୧୯୯୫ରେ ଏକ ଟିଭି ରିଆଲିଟି ଶୋ’ରୁ ନିଜ ସାଜିଦ୍ ନିଜ କ୍ୟାରିୟର ଆରମ୍ଭ କରିଥିବାବେଳେ, ଫରା ନିଜ ନିର୍ଦ୍ଦେଶନା ପାଇଁ ଘରେଘରେ ପରିଚିତ । କେବଳ ଭଲ ନୁହେଁ ଖରାପ ସମୟରେ ମଧ୍ୟ ଉଭୟ ଉଭୟଙ୍କ ପାଇଁ ଠିଆ ହୋଇଥାଆନ୍ତି ।
ଜୋୟା – ଫରହାନ୍ ଅକତର
ଏହି ଭାଇ ଭଉଣୀ ଉଭୟଙ୍କୁ ଦର୍ଶକ ପ୍ରଥମେ ନିର୍ଦ୍ଦେଶକ ଭାବେ ଦେଖିଥିଲେ । ଫରହାନ୍ ପ୍ରଥମେ ଦିଲ୍ ଚାହତା ହେ ରୁ ନିଜ ନିର୍ଦ୍ଦେଶନା କ୍ୟାରିୟର ଆରମ୍ଭ କରିଥିବାବେଳେ ଜୋୟା ଲକ୍ ବାୟ ଚାନ୍ସରୁ ନିଜର କ୍ୟାରିୟର ଆରମ୍ଭ କରିଥିଲେ । ସେହିଭଳି ଦିଲ୍ ଚାହାତାହେ ଏବଂ ଲକ୍ଷ ଭଳି ସିନେମା ଉଭୟ ଭାଇ ଭଉଣୀ ମିଶି କାମ କରିଥିଲେ, ଯାହା ଅନ୍ୟଙ୍କ ପାଇଁ ପ୍ରେରଣା ସାଜିଥିଲା । ବଲିଉଡର ଏହି ଭାଇଭଉଣୀ ଯୋଡିଙ୍କୁ ସେଲିବ୍ରେଟି ଠାରୁ ଆରମ୍ଭ କରି ସାଧାରଣ ଜନତା ସମସ୍ତେ ଢେର ଭଲ ପାଇବା ଦେଇଥାଆନ୍ତି ।
Comments are closed.