ନବେଦଶକର ସମସ୍ତ ଲୋକଙ୍କର ପ୍ରିୟ ଅଭିନେତ୍ରୀ ସେଫାଳୀ ଜରିଓ୍ୱାଲାଙ୍କର ଦେହାନ୍ତ ଖବର ସମସ୍ତଙ୍କୁ ମ୍ରିୟମାଣ କରିଛି । ହଠାତ୍ ତାଙ୍କର ମୃତ୍ୟୁକୁ ତାଙ୍କ ଫ୍ୟାନ୍ ଓ ସେଲିବ୍ରିଟିମାନେ ଗ୍ରହଣ କରିପାରୁନାହାନ୍ତି । ସୂଚନା ଅନୁସାରେ ଶୁକ୍ରବାର ବିଳମ୍ବିତ ରାତିରେ ତାଙ୍କର ହୃଦଘାତରେ ପରଲୋକ ଘଟିଛି । ମାତ୍ର ୪୨ ବର୍ଷରେ ତାଙ୍କର ଏଭଳି ଆକସ୍ମିକ ମୃତ୍ୟୁକୁ କେହି ଗ୍ରହଣ କରିପାରୁ ନାହାନ୍ତି । ତାଙ୍କୁ ହୃଦଘାତ ହେବା ପରେ ତାଙ୍କ ସ୍ୱାମୀ ପରାଗ ତ୍ୟାଗୀ ତାଙ୍କୁ ଡାକ୍ତରଖାନା ନେଇଥିବା ସୂଚନା ମିଳୁଛି । ତେବେ ବର୍ତ୍ତମାନ ପର୍ଯ୍ୟନ୍ତ କାରଣକୁ ପୋଲିସ ପକ୍ଷରୁ ସ୍ପଷ୍ଟ କରାଯାଇ ନାହିଁ । ପୋଲିସର ତଦନ୍ତ ଏବେ ମଧ୍ୟ ଜାରି ରହିଛି । ତାଙ୍କୁ ମୃତ୍ୟୁରେ ଅନେକ ସେଲିବ୍ରିଟିଙ୍କ ବୟାନ ସାମନାକୁ ଆସିଛି । ସମସ୍ତେ ତାଙ୍କ ମୃତ୍ୟୁକୁ ବିଶ୍ୱାସ କରିବାକୁ ନାରାଜ । ତାଙ୍କ ସାଙ୍ଗସାଥୀ ଓ ସାଥୀକଳାକାରମାନେ ସୋସିଆଲ ମିଡିଆରେ ଦୁଃଖ ପ୍ରକାଶ କରିବାରେ ଲାଗିଛନ୍ତି ।
Comments are closed.