ଭୁବନେଶ୍ୱର: ମାର୍ଚ୍ଚ ୨୪: କ୍ୟାମେରାମ୍ୟାନ ମାନସ ସ୍ୱାଇଁ ହତ୍ୟା ମାମଲାରେ ଶର୍ମିଷ୍ଠା ରାଉତଙ୍କ ସଂପୂର୍ଣ୍ଣ ନ୍ୟୁଜ୍ ଅଫିସ୍କୁ ପୋଲିସ ସିଲ୍ କରିଛି । ଏହାସହ ୨ଟି କମ୍ପ୍ୟୁଟର ହାର୍ଡ ଡିସ୍କ ଓ ଗୋଟାଏ କ୍ୟାମେରା ସେଟ୍କୁ ମଧ୍ୟ ପୋଲିସ ଜବତ କରିଛି । ସଂପୂର୍ଣ୍ଣ ଅଫିସରୁ ପୋଲିସ କିଛି ଗୁରୁତ୍ୱପୂର୍ଣ୍ଣ କାଗଜପତ୍ର ପାଇଥିବା ମଧ୍ୟ ସୂଚନା ମିଳିଛି । ଏହି ଆପାର୍ଟମେଣ୍ଟରୁ ଅପହରଣ ଏବଂ ଶବ ଫିଙ୍ଗିବା ପାଇଁ ବ୍ୟବହୃତ ହୋଇଥିବା ଏକ କାର୍କୁ ମଧ୍ୟ ଚାନ୍ଦବାଲି ପୋଲିସ ଜବତ କରିଥିବାର ଜଣାପଡିଛି । ଅନ୍ୟତମ ମାଷ୍ଟରମାଇଣ୍ଡ ନିରଂଜନ ସେଠୀ ବି କଷ୍ଟୋଡିକୁ ଯାଇଛନ୍ତି। ହେଲେ ବର୍ତ୍ତମାନସୁଦ୍ଧା ମାଷ୍ଟରମାଇଣ୍ଡ ଶର୍ମିଷ୍ଠାଙ୍କ ଟେର୍ ପାଉନି ପୋଲିସ । ତେବେ ରାଜ୍ୟର ଦୁଇ ଦୁଇ ଜଣ ପ୍ରଭାବଶାଳୀ ମନ୍ତ୍ରୀଙ୍କ ସହ ଶର୍ମିଷ୍ଠାଙ୍କ ଲିଙ୍କ୍ ଅଭିଯୋଗ ପରେ ମାମଲାର ତଦନ୍ତଭାର ହାତକୁ ନେଇଛି କ୍ରାଇମବ୍ରାଞ୍ଚ ।
Comments are closed.