ସ୍କର୍ଟଲାଣ୍ଡ: ଏକ ଥାଳିଆର ମୂଲ୍ୟ ସାଧାରଣତଃ ୧୦୦ କି ୨୦୦ ଟଙ୍କା ପଡ଼ିପାରେ କିମ୍ବା ତାଠାରୁ ଅଧିକ ହୋଇପାରେ । ହେଲେ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ସ୍କର୍ଟଲାଣ୍ଡରେ ଏକ ଥାଳିଆ ୧.୭ ମିଲିୟନ ଆମେରିକୀୟ ଡଲାର ଅର୍ଥାତ୍ ଭାରତୀୟ ମୁଦ୍ରାରେ ପ୍ରାୟ ୧୩ କୋଟି ଟଙ୍କାରେ ବିକ୍ରି ହୋଇଛି । ରିପୋର୍ଟ ଅନୁଯାୟୀ ଏହା ସାଧାରଣ ଥାଳିଆ ନୁହେଁ ବରଂ ଏହାର ନିର୍ମାଣ ୧୬ ଶତାବ୍ଦୀରେ ହୋଇଥିଲା । ଏଥିରେ ହୋଇଥିବା ବିଶେଷ ଚିତ୍ରଣ ଏହାକୁ ସ୍ୱତନ୍ତ୍ର କରାଇଛି । ତେଣୁ ଏହା ଏତେ ମୂଲ୍ୟବାନ ହୋଇପାରିଛି । ୫୦୦ ବର୍ଷ ପୁରୁଣା ଏବଂ ୨୭ ସେଣ୍ଟିମିଟର ବ୍ୟାସର ଏହି ପ୍ଲେଟରେ ଏକ ଚିତ୍ର ଅଙ୍କାଯାଇଛି । ପ୍ଲେଟରେ ସାମସନ୍ ଏବଂ ଡେଲିଲାଙ୍କ ବାଇବେଲର କାହାଣୀ ବର୍ଣ୍ଣନା କରାଯାଇଛି । ରିପୋର୍ଟ ଅନୁଯାୟୀ ଏହାକୁ କଳାକାର ତଥା କୁମ୍ଭାର ନିକୋଲାଦା ଉରବିନୋ ପାଖାପାଖି ୧୫୨୦ରୁ ୧୫୨୩ ମସିହା ମଧ୍ୟରେ ତିଆରି କରିଥିଲେ । ଇଟାଲୀୟ ମାଟିରୁ ନିର୍ମିତ ଏହି ପ୍ଲେଟକୁ ମାୟୋଲିକା କୁହାଯାଏ । ଏହି ପ୍ଲେଟର ନିଲାମର ଆରମ୍ଭରେ ୧ ଲକ୍ଷ ୯ ହଜାର ଡଲାରରୁ ୧ ଲକ୍ଷ ୬୩ ହଜାର ଡଲାର ମଧ୍ୟରେ ବିକ୍ରି ହେବ ବୋଲି ଅନୁମାନ କରାଯାଉଥିଲା । ହେଲେ ନିଲାମୀରେ ୧୦ ଗୁଣ ଅଧିକରେ ବିକ୍ରି ହୋଇଥିଲା । ବ୍ରିଟିଶ ନିଲାମୀକର୍ତ୍ତା ଲିୟୋନ ଆଣ୍ଡ୍ ଟର୍ନବୁଲ କହିଛନ୍ତି ଯେ ତାଙ୍କୁ ଏହି ପ୍ଲେଟ୍ ୟୁରୋପୀୟ ସିରେମିକ ଏକ୍ସପର୍ଟ ସ୍କର୍ଟଲାଣ୍ଡ ସୀମାରେ ଥିବା ଏକ ଲୋଉଡ୍ ଘରେ ତଦନ୍ତ କଲା ବେଳେ ମିଳିଥିଲା ।
Comments are closed.