ବିଧାୟକଙ୍କ ଗାଡି ଧକ୍କାରେ ସ୍କୁଟି ଚାଳକ ମୃତ ,୨ ଗୁରୁତର

ଭଦ୍ରକ : ବାହୁଡା ଯାତ୍ରା ଦେଖି ପୁରୀରୁ ଫେରିବାବେଳେ ସ୍କୁଟି ଚାଳକଙ୍କୁ ଧକା ଦେଲା ବିଧାୟକଙ୍କ ଗାଡି । ଘଟଣାସ୍ଥଳରେ ସ୍କୁଟି ଚାଳକଙ୍କ ମୃତ୍ୟୁ ଘଟିଥିବାବେଳେ ଅନ୍ୟ ୨ ଦୁଇ ଜଣ ଆହତ ହୋଇଛନ୍ତି । ମୃତକ ହେଉଛନ୍ତି ସୋର ଅଞ୍ଚଳର ରାଧାକାନ୍ତ ଲେଙ୍କା । ବାଲେଶ୍ୱର ଜିଲ୍ଲା ସିମୁଳିଆ ଥାନା ୧୬ ନଂ ଜାତୀୟ ରାଜପଥ ଜାମୁଝାଡି ଡେଞ୍ଜର ଡାଇଭର୍ସନ ଠାରେ ଏହି ଦୁର୍ଘଟଣା ଘଟିଛି । ପଶ୍ଚିମବଙ୍ଗ ହାୱଡା ନିର୍ବାଚନ ମଣ୍ଡଳୀର ବିଧାୟକ ଗୌତମ ଚୌଧୁରୀଙ୍କ ଗାଡ଼ି ଧକ୍କା ଦେଇଥିବା ସୂଚନା ମିଳିଛି ।

ବୁଧବାର ପୂର୍ବାହ୍ନ ପ୍ରାୟ ୧୦ଟା ୩୦ ମିନିଟ ସମୟରେ ବିଧାୟକଙ୍କ ଗାଡି ପଶ୍ଚିମବଙ୍ଗ ଅଭିମୁଖେ ଯାଉଥିବା ବେଳେ ଜାମୁଝାଡି ଡେଞ୍ଜର ଡାଇଭର୍ସନ ଠାରେ ଏକ ସ୍କୁଟି ସହ ଧକ୍କା ହୋଇଥିଲା । ବିଧାୟକଙ୍କ ଗାଡିଟି ଦ୍ରୁତ ଗତିରେ ଯାଉଥିବା ବେଳେ ସ୍କୁଟି ଚାଳକଙ୍କୁ ଧକା ଦେଇଥିଲା । ଦୁର୍ଘଟଣାରେ ସ୍କୁଟିଟି ଚୂରମାର ହୋଇ ଯାଇଥିଲା ଏବଂ ଦୁଇ ଜଣ ଗୁରୁତର ହୋଇଥିଲେ। ସ୍ଥାନୀୟ ଲୋକେ ଦୁଇ ଜଣଙ୍କୁ ସିମୁଳିଆ ଡାକ୍ତରଖାନାକୁ ନେଇଥିବାବେଳେ,ସେଠାରେ ଜଣଙ୍କ ମୃତ୍ୟୁ ଘଟିଛି ଏବଂ ଗୁରୁତର ହୋଇଥିବା ଅନ୍ୟ ଜଣଙ୍କର ଚିକିତ୍ସା ଜାରି ରହିଛି । ଏହି ଦୁର୍ଘଟଣାରେ ବିଧାୟକଙ୍କ ପରିବାର ସଦସ୍ୟ ମାନେ ଅଳ୍ପକେ ବର୍ତ୍ତୀ ଯାଇଛନ୍ତି । ପୋଲିସ ପହଞ୍ଚି ଘଟଣାର ତଦନ୍ତ ଜାରି ରଖିଛି ।

Govt

Comments are closed.