ବଲିଉଡରୁ ଆସିଲା ବଡ ଖବର, ଅଭିନେତା ସୈଫ ଅଲ୍ଲୀ ଖାନଙ୍କୁ ଆକ୍ରମଣ

ମୁମ୍ବାଇ: ବଲିଉଡ ଅଭିନେତା ସୈଫ ଅଲ୍ଲୀ ଖାନଙ୍କ ଉପରେ ଛୁରୀରେ ଆକ୍ରମଣ ହୋଇଛି । ସୈଫ ଅଲ୍ଲୀ ଖାନଙ୍କ ଉପରେ ଏହି ଆକ୍ରମଣ ସେତେବେଳେ ଘଟିଥିଲା ଯେତେବେଳେ ତାଙ୍କ ବାନ୍ଦ୍ରାସ୍ଥିତ ଘରେ ଚୋରି ହୋଇଥିଲା । ଗୁରୁବାର ସକାଳେ ଚୋରମାନେ ତାଙ୍କ ଘରେ ପଶିଥିଲେ ଏବଂ ଯେତେବେଲେ ସେ ପ୍ରତିବାଦ କଲେ ଚୋରମାନେ ତାଙ୍କ ଉପରେ ଆକ୍ରମଣ କରିଥିଲେ । ଏହି ଆକ୍ରମଣରେ ସେ ଆହତ ହୋଇଛନ୍ତି । ବର୍ତମାନ ତାଙ୍କୁ ଲୀଳାବତୀ ହସ୍ପିଟାଲରେ ଭର୍ତି କରାଯାଇଛି । ଏବେ ସୈଫ ଅଲ୍ଲୀ ଖାନ ବିପଦମୁକ୍ତ ଅଛନ୍ତି । ପୋଲିସ ବର୍ତମାନ ସୈଫ ଅଲ୍ଲୀ ଖାନଙ୍କ ଘରେ ଉପସ୍ଥିତ ରହିଛନ୍ତି । ଘଟଣା କିପରି ଘଟିଲା ଚୋରମାନେ କିପରି ଭିତରକୁ ପଶିଲେ ସେ ସବୁର ତଦନ୍ତ କରୁଛି । କୁହାଯାୁଛି ଯେ ଏହି ଘଟଣା ଗୁରୁବାର ଭୋର ପ୍ରାୟ ୪ଟା ସମୟରେ ଘଟିଛି । ଘରେ ଲାଗିଥିବା ସିସିଟିଭି ଫୁଟେଜକୁ ମଧ୍ୟ ଯାଂଚ କରାଯାଉଛି । ସୂଚନା ଅନୁସାରେ ସୈଫ ଅଲ୍ଲୀ ଖାନ ତାଙ୍କ ପରିବାରର ଅନ୍ୟ ସଦସ୍ୟଙ୍କ ସହ ଘରେ ଶୋଇଥିଲେ । ପରେ ଚୋର ତାଙ୍କୁ ଆକ୍ରମଣ କଲା । ତାଙ୍କ ହାତରେ ଏକ ଛୁରୀ ବାଜିବାରୁ ସେ ଆହତ ହୋଇଥିିଲେ । ଏହା ପରେ ଚୋରମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ସୈଫ ଅଲ୍ଲୀ ଖାନଙ୍କୁ ସକାଳେ ମୁମ୍ବାଇର ଲୀଳାବତୀ ହସ୍ପିଟାଲରେ ଭର୍ତି କରାଯାଇଥିଲା । ଏବେ ସେ ବିପଦ ମୁକ୍ତ ଥିବା ଡାକ୍ତର ସୂଚନା ଦେଇଛନ୍ତି ।