ନୂଆଦିଲ୍ଲୀ :ରୁଷ-ୟୁକ୍ରେନ ଯୁଦ୍ଧ ସହିତ ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ନେଇ ବିଶ୍ୱ ସମୁଦାୟରେ ପ୍ରାୟ ଚର୍ଚ୍ଚା ଲାଗି ରହିଛି I ଚର୍ଚ୍ଚା କରିବାପାଇଁ ଦୁଇଟି କାରଣ ଅଛି, ଗୋଟିଏ ପଟେ ଯୁଦ୍ଧରେ ତାଙ୍କର ଆକ୍ରମଣାତ୍ମକ ମନୋଭାବ ଏବଂ ଅନ୍ୟ ପଟେ ତାଙ୍କ ସ୍ୱାସ୍ଥ୍ୟ । ବିଭିନ୍ନ ଗଣମାଧ୍ୟମ ରିପୋର୍ଟ ଅନୁଯାୟୀ ପୁଟିନ ଅନେକ ଜଟିଳ ରୋଗରେ ପୀଡିତ ଅଛନ୍ତି। ଏହି କାରଣରୁ ସେ ଅନେକ ସାର୍ବଜନୀନ କାର୍ଯ୍ୟକ୍ରମଠାରୁ ମଧ୍ୟ ଦୂରରେ ରହିଛନ୍ତି I କିଛି ଦିନ ପୂର୍ବରୁ ପ୍ରକାଶିତ ରିପୋର୍ଟ ଅନୁସାରେ ପୁଟିନ ମସ୍କୋସ୍ଥିତ ତାଙ୍କ ସରକାରୀ ବାସଭବନ ସିଡିରେ ପଡି ଯାଇ ଗୁରୁତର ଆହତ ହୋଇଥିଲେ ଏଥିରେ ତାଙ୍କର ମେରୁଦଣ୍ଡ ହାଡ଼ରେ ଶକ୍ତ ଆଘାତ ଲାଗିଥିଲା I ପୁଟିନଙ୍କ ସ୍ୱସ୍ଥ୍ୟାବସ୍ଥାକୁ ନେଇ ଅନେକ କଥା ଆସୁଥିବାବେଳେ କିଛି ଘଟଣାକ୍ରମ ଏହାକୁ ଖୋରାକ ଯୋଗାଉଛି। ସେହିପରି ରୁଷରେ ବର୍ଷ ଶେଷକୁ ହେବାକୁ ଥିବା ବାର୍ଷିକ ପ୍ରେସ୍ ମିଟ୍କୁ ବାତିଲ କରିଦେଇଛନ୍ତି ପୁଟିନ ।
କାରଣ ଏହି ସମୟ ମଧ୍ୟରେ ସେ ସ୍ୱାସ୍ଥ୍ୟ ବିଶେଷଜ୍ଞଙ୍କ ସହ ପରାମର୍ଶ କରିବାର କାର୍ଯ୍ୟକ୍ରମ ରହିଥିବା ଜଣାପଡ଼ିଛି। ଯେଉଁଥି ପାଇଁ ପୁଟିନଙ୍କ ସ୍ୱାସ୍ଥ୍ୟ ଠିକ୍ ନଥିବା କଥା ସାମନାକୁ ଆସିଛି। ତେଣୁ ବର୍ଷ ଶେଷକୁ ହେବାକୁ ଥିବା ବାର୍ଷିକ ପ୍ରେସ୍ ମିଟ୍ ଓ ଅନେକ କାର୍ଯ୍ୟକ୍ରମକୁ ବାତିଲ କରିଛନ୍ତି ରୁଷ ରାଷ୍ଟ୍ରପତି । ବାର୍ଷିକ ପ୍ରେସ୍ ମିଟ୍ ରଦ୍ଦ ହେବା ପଛରେ ୨ଟି କାରଣ ଥିବା କୁହାଯାଉଛି । ଗୋଟିଏ ଯୁଦ୍ଧରେ ରୁଷ ଖରାପ ସ୍ଥିତିରେ ରହିଛି ଅନ୍ୟଟି ଦେହ ଭୀଷଣ ଖରାପ । ପୂର୍ବରୁ ପୁଟିନ କ୍ୟାନସରରେ ପୀଡ଼ିତ ହୋଇ ଚିକିତ୍ସିତ ହେଉଥିବା ଖବର ଆସିଥିଲା।
ରୁଷ ର ରାଜନୈତିକ ବିଶ୍ଳେଷକ ଭାଲେରୀ ସୋଲୋଭିଙ୍କ ଅନୁଯାୟୀ ରୁଷ ରାଷ୍ଟ୍ରପତି ଏକାସାଙ୍ଗରେ କର୍କଟ, ପାର୍କିନ୍ସନ୍ ରୋଗ ଏବଂ ସ୍କିଜୋଫେକ୍ଟିଭ୍ ବ୍ୟାଧି ଭଳି ଭୟଙ୍କର ରୋଗରେ ପୀଡିତ ଅଛନ୍ତି I ଏହି କାରଣରୁ ତାଙ୍କ ସ୍ୱାସ୍ଥ୍ୟ ଏତେ ଶୀଘ୍ର ଖରାପ ହେଉଛି। ୟୁକ୍ରେନ ଯୁଦ୍ଧ ବିଷୟରେ ପୁଟିନଙ୍କ ଖରାପ ସ୍ୱାସ୍ଥ୍ୟ ମଧ୍ୟ ତାଙ୍କ ନିଷ୍ପତ୍ତି ଉପରେ ପ୍ରଭାବ ପକାଇଛି। ସେ କହିଛନ୍ତି ଯେ ଅସୁସ୍ଥତା କାରଣରୁ ପୁଟିନ ଯୁଦ୍ଧ ସମ୍ବନ୍ଧରେ ସଠିକ୍ ନିଷ୍ପତ୍ତି ନେବାକୁ ସକ୍ଷମ ନୁହଁନ୍ତି। ସୂଚନାଯୋଗ୍ୟ ଯେ ପୁଟିନଙ୍କ ଅନୁପସ୍ଥିତିରେ ପୂର୍ବତନ ପ୍ରଧାନମନ୍ତ୍ରୀ ଦିମିତ୍ରୀ ମେଡଭେଡେଭ ଏବଂ ପ୍ରତିରକ୍ଷା ମନ୍ତ୍ରୀ ସରୋଜ ଶୋଏଗୁ ଅଧିକାଂଶ ନିଷ୍ପତ୍ତି ନେଉଛନ୍ତି।
ସଦ୍ୟତମ ଏକ ଭିଡିଓ ଚିତ୍ରକୁ ଆଧାର କରି କିଛି ରିପୋର୍ଟରେ ଦର୍ଶାଯାଇଛି ଯେ ପୁଟିନଙ୍କ ମୁହଁ ଫୁଲି ଯାଇଥିବା ବେଳେ ତାଙ୍କ ହାତ ଓ ଗୋଡ ଥରି ଥରୁଥିଲା । ସେଥିପାଇଁ ସର୍ବସାଧାରଣରେ ଚଳପ୍ରଚଳ ପାଇଁ ପୁଟିନଙ୍କ ପାଇଁ ଜଣେ ସହାୟକ ନିଯୁକ୍ତ ହୋଇଛନ୍ତି । କେବଳ ଏତିକି ନୁହେଁ ଫୁଟେଜରେ ପୁଟିନ ଚର୍ଚ୍ଚରେ ଓଠ କାମୁଡ଼ିଥିବାର ଦେଖାଯାଇଥିଲା I ଏଥିପାଇଁ ବାର୍ଷିକ ପ୍ରେସ୍ ମିଟ୍ ବାତିଲ ହେବା ପରେ କ୍ରେମଲିନ ପ୍ରବକ୍ତା ଦିମିତ୍ରି ପେସକୋଭ ପ୍ରତିକ୍ରିୟା ରଖିଛନ୍ତି ଯେ ଖୁବ ଶୀଘ୍ର ପୁଟିନ ପ୍ରେସ୍ ସହ କଥା ହେବେ । ତେବେ ଡିସେମ୍ବରରେ କୌଣସି ମିଡିଆ କାର୍ଯ୍ୟକ୍ରମ ହେବ ନାହିଁ ବୋଲି ରୁଷ ଗଣମାଧ୍ୟମରେ ସୂଚନା ଦିଆଯାଇଛି ।
ମୁହଁର ରଙ୍ଗ ଫିକା ପଡ଼ିଥିବା ଖବର ଆସିଥିଲା । ତେବେ ଗତ ୧୦ବର୍ଷ ମଧ୍ୟରେ ପ୍ରଥମ ଥର ପାଇଁ ପୁଟିନ କୌଣସି ରୋଗରେ ପଡିଥିବା ନେଇ ଅଧିକ ଚର୍ଚ୍ଚା ହେଉଛି । ବାର୍ଷିକ ପ୍ରେସ୍ ମିଟ୍ ବାତିଲ ହେବା ପରେ କ୍ରେମଲିନ ପ୍ରବକ୍ତା ଦିମିତ୍ରି ପେସକୋଭ ପ୍ରତିକ୍ରିୟା ରଖିଛନ୍ତି ଯେ ଖୁବ ଶୀଘ୍ର ପୁଟିନ ପ୍ରେସ୍ ସହ କଥା ହେବେ । ତେବେ ଡିସେମ୍ବରରେ କୌଣସି ମିଡିଆ କାର୍ଯ୍ୟକ୍ରମ ହେବ ନାହିଁ ବୋଲି ରୁଷ ଗଣମାଧ୍ୟମରେ ସୂଚନା ଦିଆଯାଇଛି । ତେବେ ପୁଟିନଙ୍କ ସ୍ୱାସ୍ଥ୍ୟବସ୍ଥାକୁ ନେଇ କ୍ରେମଲିନ ପକ୍ଷରୁ କୌଣସି ଅଫିସିଆଲ ବିବୃତି ଦିଆଯାଇ ନାହିଁ I
Comments are closed.