ଜୟପୁର : ରିଲ୍ସ ନିଶା ହେଲା କାଳ । ରିଲ୍ସ କରୁ କରୁ ଅସାବଧାନତା ବଶତଃ ଜଳପ୍ରପାତରେ ଭାସି ଗଲେ ୨ ନାବାଳକ । ନିଖୋଜ ନାବାଳକ ହେଲେ ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଲକର । ଜଳପ୍ରପାତରେ ଜଣେ ନାବାଳକ ବୁଡ଼ି ଯାଇ ପ୍ରାଣ ହରାଇଥିବାବେଳେ ଆଉ ଜଣେ ନିଖୋଜ ଅଛନ୍ତି। ମୃତ ନାବାଳକ ଜଣକ ହେଲେ ଆଲୋକ ରାଜ ସୁନା(୧୫)। କୋଟପାଡ଼ ଗୁଲମୀ ଜଳପ୍ରପାତଙ୍କୁ ରବିବାର ନବରଙ୍ଗପୁର ଜିଲା କୋଷଗୁମୁଡ଼ା ବ୍ଲକର ୫ ଜଣ ପିଲା ବୁଲିବାକୁ ଆସିଥିଲେ । ଗତ କିଛିଦିନ ହେବ ଉପରମୁଣ୍ଡରେ ବର୍ଷା ଲାଗି ରହିଥିବାରୁ କୋଲାବ ନଦୀ ଜଳ ଗୁଲମୀ ଜଳପ୍ରପାତ ଦେଇ ପ୍ରବାହିତ ହେଉଛି । ବୁଲିବାକୁ ଆସିଥିବା ପିଲାମାନେ ଗୁଲମୀରେ ବିଭିନ୍ନ ସ୍ଥାନରେ ଫୋଟ ଉଠାଉ ଥିବା ସମୟରେ ଦୁଇ ନାବାଳକ ପ୍ରଖର ସ୍ରୋତରେ ଖସିି ପଡ଼ିଥିଲେ । ଫଳରେ ସାଙ୍ଗମାନେ ବହୁ ଖୋଜାଖୋଜି କଲା ପରେ କୋଟପାଡ଼ ଥାନାକୁ ଖବର ଦେଇଥିଲେ। ଖବର ପାଇ କୋଟପାଡ଼ ଅଗ୍ନୀଶମ ବାହିନୀ ଜଳପ୍ରପାତ ନିକଟରେ ପହଞ୍ଚି ଖୋଜାଖଜି ଜାରି ରଖିଛନ୍ତି । ଜଣଙ୍କର ମୃତଦେହ ଉଦ୍ଧାର ହୋଇଥିବାବେଳେ ଆଉଜଣେ ଏବେବି ନିଖୋଜ ଅଛନ୍ତି । କୋଟପାଡ଼ ପୋଲିସ୍ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛନ୍ତି ।
Comments are closed.