ଭୁବନେଶ୍ୱର : ଆଜିଠୁ ଖୋଲିବ ‘ରାସନ’ ପୋର୍ଟାଲ। ରାସନ କାର୍ଡରୁ ବାଦ ପଡିଥିବା ଆବେଦନକାରୀଙ୍କ ପାଇଁ ଖୁସି ଖବର । ଏ ନେଇ ସୂଚନା ଦେଇଛନ୍ତି ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର। ତେବେ ଯେଉଁମାନେ ସାମିଲ ହୋଇନଥିଲେ ସେମାନେ ରାସନକାର୍ଡ ପାଇଁ ଆବେଦନ କରିପାରିବେ।
ଯୋଗାଣ ମନ୍ତ୍ରୀଙ୍କ ସୂଚନାନୁସାରେ,ଯେଉଁମାନେ ଖାଦ୍ୟ ସୁରକ୍ଷା ଯୋଜନାରେ ସାମିଲ ହୋଇନାହାନ୍ତି ସେମାନେ ରାସନକାର୍ଡ ପାଇଁ ଆବେଦନ କରିପାରିବେ। ଯାଞ୍ଚ ସମୟରେ ଏଯାଏ ମୋଟ ୪ ଲକ୍ଷ ମୃତ ବ୍ୟକ୍ତିଙ୍କ ନାଁରେ ଥିବା ରାସନ କାର୍ଡ କଟିସାରିଲାଣି। ଆଗକୁ ମଧ୍ୟ ସର୍ଭେ କରାଯାଇ ଅଯୋଗ୍ୟ ହିତାଧିକାରୀଙ୍କ ନାଁରେ ଥିବା ରାସନକାର୍ଡ କଟିବ। ତ୍ରୁଟିକୁ ସଂଶୋଧନ କରାଯାଇ ପୁଣି ଥରେ ସଂପୂର୍ଣ୍ଣ ସର୍ଭେ କରାଯିବ। ଯାହା ଦ୍ୱାରା ପ୍ରକୃତ ଅଯୋଗ୍ୟ ହିତାଧିକାରୀଙ୍କୁ ବାଦ ଦେଲେ ରାସନ କାର୍ଡ ବଣ୍ଟନ ବ୍ୟବସ୍ଥାରେ ସ୍ୱଚ୍ଛତା ରହିବ । ଚାକିରିଆ ମାନେ ରାସନ କାର୍ଡ ଫେରାଇଛନ୍ତି । ଯେଉଁମାନଙ୍କର ପ୍ରକୃତରେ ଭଲ ଆୟ ଅଛି, ସର୍ଭେ କରାଯାଇ ସେମାନଙ୍କୁ ତାଲିକାରୁ ବାଦ ଦିଆଯିବ। ଇ-କେୱାଇସି ଯାଞ୍ଚ ମାଧ୍ୟମରେ ତାଲିକାରୁ ମୋଟ ଚାରି ଲକ୍ଷ ବ୍ୟକ୍ତିଙ୍କୁ ବାଦ ଦିଆଯାଇଛି ବୋଲି ମନ୍ତ୍ରି କହିଛନ୍ତି। ଶନିବାର ଅର୍ଥାତ ମାର୍ଚ୍ଚ ୧ ତାରିଖରୁ ଆବେଦନକାରୀଙ୍କ ପାଇଁ ଆନଲାଇନ୍ ପୋର୍ଟାଲ ଉବଲବ୍ଧ କରାଯିବ।
Comments are closed.