ଭୁବନେଶ୍ୱର: ଆଜି ସକାଳେ ପୁରୀ ଜିଲ୍ଲା ପରିଷଦ ଜୋନ ୧୧ର ସଦସ୍ୟ ଧର୍ମେନ୍ଦ୍ର କୁମାର ସାହୁଙ୍କ ମୃତ ଦେହ ଝୁଲନ୍ତା ଅବସ୍ଥାରେ ତାଙ୍କ ଭୁବନେଶ୍ୱରସ୍ଥିତ ଶିଶୁପାଳଗଡ଼ ବାସଭବନରୁ ମିଳିଛି । ତାଙ୍କର ପତ୍ନୀ ଓ ଏକ ପୁଅ ଅଛନ୍ତି । ମୃତୁ୍ୟର ଚାରି ଘଣ୍ଟା ପୂର୍ବରୁ ଧର୍ମେନ୍ଦ୍ର ସାହୁ ସୋସିଆଲ ମିଡିଆରେ ଏକ ପୋଷ୍ଟ କରିଥିଲେ । ଯାହାକୁ ନେଇ ଏବେ ବେଶ୍ ଚର୍ଚ୍ଚା ହେଉଛି । ପୋଷ୍ଟରେ ଲେଖାଯାଇଛି ଯେ, ମୋ ଫୋନ ଦୁଇଟାରେ ସବୁ ଭିଡିଓ ରହିଛି, ତାକୁ ଲୋକଲୋଚନକୁ ଆଣିବେ । ତେବେ ଏହି ପୋଷ୍ଟ ସାମ୍ନାକୁ ଆସିବା ପରେ , ତାଙ୍କୁ ହତ୍ୟା କରାଯାଇଛି ନା ସେ ଆତ୍ମହତ୍ୟା କରିଛନ୍ତି, ସେନେଇ ପୋଲିସ ଏବେ ତଦନ୍ତ କରୁଛି ।
ଅନ୍ୟପକ୍ଷରେ, ତାଙ୍କ ଶ୍ୱଶୁର ଜ୍ୱାଇଁ ଧର୍ମେନ୍ଦ୍ର କୁମାର ସାହୁ ବିରୋଧରେ ଏକ ଅଭିଯୋଗ ଆଣିଛନ୍ତି । ତାଙ୍କ ଅଭିଯୋଗ ଅନୁସାରେ, ‘ଧର୍ମେନ୍ଦ୍ର ସାହୁ ମୋ ଝିଅକୁ ବହୁତ ଟର୍ଚର କରୁଥିଲା । ତାଙ୍କୁ ଖାଲି ସବୁବେଳେ ଟଙ୍କା ଦରକାର ହେଉଥିଲା । ଗତକାଲି ସେ ତାଙ୍କ ପୁତୁରାଙ୍କୁ ଗାଳିଗୁଲଜ କରିଥିଲେ । ଫଳରେ ତାଙ୍କ ପୁତୁରା ଘରୁ ପଳାଇ ଯାଇଥିଲା ।’
ସୂଚନା ଥାଉଯେ, ଧର୍ମେନ୍ଦ୍ର ସାହୁଙ୍କ ଘରେ ସବୁବେଳେ ପାରିବାରିକ କଳହଲାଗି ରହୁଥିଲା । ପୂର୍ବରୁ ଥରେ ଧର୍ମେନ୍ଦ୍ର ଆତ୍ମହତ୍ୟା ଉଦ୍ୟମ କରିଥିଲେ । ଗୁରୁତର ଅବସ୍ଥାରେ ତାଙ୍କୁ ଏକ ଘରୋଇ ହସ୍ପିଟାଲ୍ରେ ଭର୍ତ୍ତି କରାଯାଇଥିଲା । ପରେ ସେ ସେଠାରୁ ସେ ସୁସ୍ଥ ହୋଇ ଘରକୁ ଫେରିଥିଲେ ।
Comments are closed.