ବଲିଉଡ୍ରୁ ହଲିଉଡ୍ ପର୍ଯ୍ୟନ୍ତ ନିଜସ୍ୱ ପରିଚୟ ତିଆରି କରିଥିବା ଦେଶୀଗର୍ଲ ପ୍ରିୟଙ୍କା ଚୋପ୍ରା ଏବଂ ତାଙ୍କ ପତି ତଥା ଆମେରିକୀୟ ଗାୟକ ନିକ୍ ଜୋନାସ୍ ଚଳିତ ବର୍ଷ ପ୍ରାରମ୍ଭରେ ସରୋଗସୀ ଜରିଆରେ ପ୍ରଥମ ସନ୍ତାନକୁ ସ୍ୱାଗତ କରିଥିଲେ ।
ଯଦିଓ ଉଭୟ ଦମ୍ପତ୍ତି ସେତେବେଳେ ସେମାନଙ୍କ ଘୋଷଣାରେ ନିଶ୍ଚିତ କରିନଥିଲେ ଯେ ସେମାନଙ୍କର ପୁଅ କିମ୍ବା ଝିଅ ସନ୍ତାନ ହୋଇଛି, କିନ୍ତୁ ପରେ ଜଣାପଡ଼ିଥିଲା ଯେ ଦୁହେଁ ଏକ ଶିଶୁକନ୍ୟାର ମାତାପିତା ହୋଇଛନ୍ତି । ସେପଟେ ଦୁହେଁଙ୍କ ପ୍ରଶଂସକ ଝିଅର ଏକ ଝଲକ ପାଇବା ପାଇଁ ଏବଂ ନାଁ ଜାଣିବା ପାଇଁ ଉତ୍କଣ୍ଠାର ସହ ପ୍ରତୀକ୍ଷା କରିଛନ୍ତି ।
ଏହାରି ମଧ୍ୟରେ ଖବର ଆସିଛି ଯେ ପ୍ରିୟଙ୍କା ଏବଂ ନିକ୍ କନ୍ୟାସନ୍ତାନର ଜନ୍ମ ପ୍ରମାଣପତ୍ର ହାସଲ କରିସାରିଛନ୍ତି ।
ପ୍ରମାଣପତ୍ର ଅନୁଯାୟୀ ଝିଅର ନାମ ଜୋନାସ୍ ଦମ୍ପତି ମାଲତୀ ମାରୀ ଚୋପ୍ରା ଜୋନାସ ରଖିଛନ୍ତି । ଏଥିରେ ଉଲ୍ଲେଖ ରହିଛି ଯେ, ମାଲତୀର ଜନ୍ମ ୧୫ ଜାନୁଆରୀ କାଲିଫର୍ଣ୍ଣିଆର ସାନ୍ ଡିଏଗୋରେ ରାତି ୮ଟାରେ ହୋଇଛି । ମାଲତୀ ଶବ୍ଦ ସଂସ୍କୃତରୁ ନିଆଯାଇଛି ଏବଂ ଏହାର ଅର୍ଥ ଏକ ଛୋଟ ସୁଗନ୍ଧିତ ଫୁଲ । ମ୍ୟାରୀ ଲାଟିନ ଶବ୍ଦ ମ୍ୟାରିସରୁ ଆସିଛି, ଯାହାର ଅର୍ଥ ସମୁଦ୍ରର ତାରା । ଦେଖିବାକୁ ଗଲେ ପ୍ରିୟଙ୍କା ଏବଂ ନିକ୍ଙ୍କ ଧର୍ମାନୁଯାୟୀ କନ୍ୟା ସନ୍ତାନର ନାମକରଣ ହୋଇଛି ।
ଜୋନାସ୍ ଦମ୍ପତ୍ତି ୨୨ ଜାନୁଆରୀରେ ସୋସିଆଲ ମିଡିଆ ଜରିଆରେ ଏକ ସନ୍ତାନର ପିତାମାତା ହେବାର ସୂଚନା ଦେଇଥିଲେ । ଏହାର ପ୍ରାୟ ୩ ମାସ ପରେ ଝିଅ ନାମର ଖୁଲାସା ହୋଇଛି ।
Comments are closed.