ଭୁବନେଶ୍ୱର : ପ୍ରମୋଦ ଭଗତ ସସପେଣ୍ଡ । ପାରା ବ୍ୟାଡିମିଣ୍ଟନ ଖେଳାଳି ପ୍ରମୋଦ ଭଗତ ସସପେଣ୍ଡ । ୨୦୨୪ ପାରା ଅଲିମ୍ପିକରେ ଭାଗ ନେଇପାରିବେ ନାହିଁ ପ୍ରମୋଦ ଭଗତ I ୧୮ ମାସ ପାଇଁ ପ୍ରମୋଦଙ୍କୁ ସସପେଣ୍ଡ କଲା ବିଶ୍ବ ବ୍ୟାଡମିଣ୍ଟନ ଫେଡେରେସନ । ଆଣ୍ଟିଂ ଡୋପିଂ ନିୟମ ଉଲ୍ଲଂଘନ ଅଭିଯୋଗରେ ପ୍ରମୋଦ ସସପେଣ୍ଡ । ୨୦୨୦ ଟୋକିଓ ପାରା ଅଲିମ୍ପିକ୍ସରେ ସ୍ବର୍ଣ୍ଣ ପଦକ ଜିତିଥିଲେ ପ୍ରମୋଦ ।
ସୂଚନାନୁସାରେ,ପ୍ରମୋଦ ଭଗତ ଭାରତୀୟ ପାରା-ବ୍ୟାଡମିଣ୍ଟନର ମୂଳଦୁଆ ପକାଇଥିଲେ। ତାଙ୍କର ସଫଳତା ଏବଂ କ୍ରୀଡା ପ୍ରତି ଉତ୍ସର୍ଗୀକୃତ ଭାବନା ଅନେକ ଲୋକଙ୍କୁ ପ୍ରେରଣା ଯୋଗାଇଛି। ଟୋକିଓ ପାରାଲିମ୍ପିକ୍ସ-୨୦୨୦ରେ ପୁରୁଷ ସିଙ୍ଗଲ୍ସ SL3 ବର୍ଗରେ ସ୍ୱର୍ଣ୍ଣ ପଦକ ଜିତିବା ସହିତ ତାଙ୍କ କ୍ୟାରିଅରରେ ଅନେକ ଉଲ୍ଲେଖନୀୟ ସଫଳତା ଦେଖିବାକୁ ମିଳିଛି । ତେବେ କୋର୍ଟ ଅଫ୍ ଆର୍ବିଟେସନ୍ (CAS) ପ୍ରମୋଦଙ୍କୁ ବର୍ଷକ ମଧ୍ୟରେ ୩ଥର ସୁଯୋଗ ଦେଇଥିଲେ ମଧ୍ୟ ସେ ଏହାକୁ ପ୍ରମାଣ କରିପାରିନଥିଲେ। ମାର୍ଚ୍ଚ ୨୦୨୪ରେ କୋର୍ଟ ଅଫ୍ ଆର୍ବିଟେସନ୍ ଆଣ୍ଟି ଡୋପିଂ ଡିଭିଜନ ତାଙ୍କୁ ଏକ ବର୍ଷ ମଧ୍ୟରେ ୩ଥର ସ୍ଥାନ ବିଷୟରେ ବିସ୍ତୃତ ସୂଚନା ମାଗିଥିଲେ ସୁଦ୍ଧା ସେ ବିଶ୍ବ ବ୍ୟାଡ୍ମିଣ୍ଟନ ଫେଡେରେସନର ଆଣ୍ଟି ଡୋପିଂ ନିୟମର ଉଲ୍ଲଂଘନ କରିଥିଲେ। ମାର୍ଚ୍ଚ ୧ରୁ ସିଏଏସର ଆଣ୍ଟି ଡୋପିଂ ଡିଭିଜନ ଭଗତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଆରମ୍ଭ କରିଥିଲା ।
ଚଳିତବର୍ଷ ପ୍ରମୋଦ ପାରା ବ୍ୟାଡମିଣ୍ଟନ ବିଶ୍ବ ଚାମ୍ପିଅନଶିପରେ ଇଂଲଣ୍ଡର ଡାନିଏଲ ବେଥେଲଙ୍କୁ କଡା ଟକ୍କର ଦେଇ ପୁରୁଷ ସିଙ୍ଗଲ ଏସଏଲ୩ ଟାଇଟଲ ନିଜ ନାଁରେ କରିପାରିଥିଲେ ।
Comments are closed.