ଭୁବନେଶ୍ୱର: ଡିସେମ୍ବର ୦୧: ବଙ୍ଗୋପସାଗରରେ ବାତ୍ୟା ସମ୍ଭାବନା । ଆଣ୍ଡାମାନ ସାଗରରେ ସକ୍ରିୟ ହେଉଛି ଲଘୁଚାପ। ଉତ୍ତର-ପଶ୍ଚିମ ଦିଗରେ ଗତିକରି ୨ ତାରଖରେ ଅବପାତ ଓ ଆଗାମୀ ୨୪ ଘଣ୍ଟାରେ କେନ୍ଦ୍ରୀୟ ବଙ୍ଗୋପସାଗରରେ ବାତ୍ୟା ରୂପ ନେଇପାରେ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ ।
ଏହାର ପ୍ରଭାବରେ କାଲିଠୁ ଓଡିଶାର ପାଗରେ ପରିବର୍ତ୍ତନ ଆସିପାରେ । ପୁରୀ, ଜଗତସିଂପୁର, ଗଞ୍ଜାମ ଓ ଗଜପତିରେ ପ୍ରବଳ ବର୍ଷା ସମ୍ଭାବନା ରହିଛି । ଏହାସହ ଗଞ୍ଜାମ, ଗଜପତି, ପୁରୀ, ଖୋର୍ଦ୍ଧା, ଜଗତସିଂପୁର, କଟକ, କେନ୍ଦ୍ରାପଡା, ବାଲେଶ୍ୱର, ନୟାଗଡ ଓ ଯାଜପୁର ଆଦି ୧୦ ଜିଲ୍ଲାକୁ ପ୍ରବଳରୁ ଅତି ପ୍ରବଳ ବର୍ଷା ନେଇ ଅରେଞ୍ଜ ୱାର୍ଣିଂ ଜାରି କରିଛି ଆଞ୍ଚଳିକ ପାଣିପାଗ ବିଭାଗ।
ପାହାଡିଆ ଅଞ୍ଚଳରେ ଭୂÕଳନ ସହ ତଳିଆ ଅଞ୍ଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇପାରେ । ତେବେ ବାତ୍ୟା ସମୟରେ କେନ୍ଦ୍ରୀୟ ବଙ୍ଗୋପସାଗରରେ ଘଣ୍ଟାପ୍ରତି ୧୦୦ରୁ ୧୧୦ କିଲୋମିଟର ବେଗରେ ପବନ ବହିପାରେ । ଏଥିପାଇଁ କୂଳିଆ ଅଞ୍ଚଳ ଲୋକ ଓ ମତ୍ସ୍ୟଜୀବୀ ମାନଙ୍କୁ ସମୁଦ୍ର କୂଳକୁ ଯିବା ପାଇଁ ବାରଣ କରାଯାଇଛି।
Comments are closed.