ଭୁବନେଶ୍ୱର : ପଶ୍ଚିମବଙ୍ଗର ମୁର୍ଶିଦାବାଦରେ ହୋଇଥିବା ୱକଫ୍ ବିରୋଧୀ ହିଂସାରେ ଓଡ଼ିଶା ଲିଙ୍କ୍ ଥିବା ସନ୍ଦେହ କରାଯାଇଛି । ମୁର୍ଶିଦାବାଦ ହିଂସାକାରୀ ଝାରସୁଗୁଡ଼ାରେ ଲୁଚିଥିବା ସନ୍ଦେହ କରାଯାଉଛି । ବନହରପାଲି ଥାନା ବନ୍ଧବାହାଲ ଗାଁରେ ପୋଲିସ ଖୋଳତାଡ଼ ଆରମ୍ଭ କରିଛି । ଗତ ରାତିରୁ ବନ୍ଧବାହାଲ ଅଞ୍ଚଳରେ ପୋଲିସ ଛାଉଣୀ ହୋଇଛି । ହିଂସା ଘଟଣାରେ ସଂପୃକ୍ତି ଥିବା କିଛି ସନ୍ଦିଗ୍ଧଙ୍କୁ ପୋଲିସ ପଚରାଉଚରା କରୁଛି । ଉତ୍ତରାଞ୍ଚଳ ପୋଲିସ ଆଇଜି ହିମାଂଶୁ ଲାଲ, ସକାଳୁ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି । ଝାରସୁଗୁଡ଼ା ଏସପି ସ୍ମିତ୍ ପରମାର ଓ ବରିଷ୍ଠ ପୋଲିସ ଅଧିକାରୀଙ୍କ ସହ ପଶ୍ଚିମବଙ୍ଗ ପୋଲିସ ମଧ୍ୟ ଘଟଣାସ୍ଥଳରେ ଉପସ୍ଥିତ ଅଛନ୍ତି ।
ସୂଚନାନୁସାରେ , ୱାକଫ ବୋର୍ଡ ସଂଶୋଧିତ ଆଇନକୁ ନେଇ ପଶ୍ଚିମବଙ୍ଗ ମୁର୍ଶିଦାବାଦରେ ବ୍ୟାପକ ହିଂସା କାଣ୍ଡ ହୋଇଛି । ଏଥିରେ ୩ ଜଣଙ୍କର ମୃତ୍ୟୁ ହୋଇଛି । ମୁସଲମାନ ସମ୍ପ୍ରଦାୟ ପ୍ରତିହିଂସା ପରାୟଣ ହୋଇ ହିନ୍ଦୁ ମାନଙ୍କ ଘର ଜାଳିଦେବା ସହିତ ବ୍ୟାପକ ସମ୍ପତି ନଷ୍ଟ କରିଛନ୍ତି । ଏବେ ନିଜ ଦେଶରେ ଶରଣାର୍ଥୀ ଜୀବନ ବଁଚୁଛନ୍ତି ହିନ୍ଦୁ ଭାଇମାନେ । ଆନ୍ଦୋଳନକାରୀମାନେ ରେଳ ଟ୍ରାକ ଅବରୋଧ କରିବା ସହିତ ପୋଲିସ ଉପରେ ପଥରମାଡ଼ କରି ପୋଲିସ ଗାଡ଼ି ଜାଳି ଦେଇଥିଲେ । ପୋଲିସ ହିଂସାରେ ଜଡ଼ିତ ପ୍ରାୟ ୨୦୦ ଜଣଙ୍କୁ ଗିରଫ କରିଛି ।
ଅନ୍ୟପଟେ ମୁର୍ଶିଦାବାଦ ହିଂସାକୁ ନେଇ ଟିଏମସି ସରକାରକୁ ଦାୟୀ କରିବା ସହ ରାଜ୍ୟରେ ରାଷ୍ଟ୍ରପତି ଶାସନ ଲାଗୁ କରିବାକୁ ଦାବି କରିଛି ବିଶ୍ୱ ହିନ୍ଦୁ ପରିଷଦ । କୋଲକାତା ସମେତ ଦେଶର ବିଭିନ୍ନ ସହରରେ ପରିଷଦ ପକ୍ଷରୁ ଜୋରଦାର ପ୍ରଦର୍ଶନ ହୋଇଛି । ହିଂସା ପରଠାରୁ ରାଜ୍ୟ ବିଜେପି ମଧ୍ୟ ମମତା ସରକାରଙ୍କ ବିରୋଧରେ ଗର୍ଜନ ଜାରି ରଖିଛି । ଭୋଟ ବ୍ୟାଙ୍କ ଲୋଭରେ ଟିଏମସି ସରକାର ବାଂଲାଦେଶୀ ରୋହିଙ୍ଗ୍ୟାଙ୍କୁ ବେଆଇନ ପ୍ରବେଶ ସୁଯୋଗ ଦେଇ ରାଜ୍ୟକୁ ବିପଦ ନିମନ୍ତ୍ରଣ କରିଛି । ମୁର୍ଶିଦାବାଦ ମୁସଲିମ ବହୁଳ ହେବା ପରଠାରୁ ହିନ୍ଦୁ ବିରୋଧୀ ଷଡ଼ଯନ୍ତ୍ର ଜାରି ରହିଥିବା କହିଛି ବିଜେପି ।
Comments are closed.