ବିଜୟ ହଜାରେ ଟ୍ରଫି ପାଇଁ ଓଡ଼ିଶା ସିନିୟର କ୍ରିକେଟ ଟିମ ଘୋଷଣା

କଟକ:ବିଜୟ ହଜାରେ ଟ୍ରଫି ପାଇଁ ଘୋଷଣା ହୋଇଛି ଓଡ଼ିଶା ସିନିୟର କ୍ରିକେଟ ଟିମ। ବାରବାଟୀ ଷ୍ଟାଡିୟମ ପରିସରରେ ଓଡ଼ିଶା କ୍ରିକେଟ ସଂଘ ପକ୍ଷରୁ ଆୟୋଜିତ ସାମ୍ବାଦିକ ସମ୍ମିଳନୀରେ ସିନିୟର୍ କ୍ରିକେଟ ଟିମ୍ ହେଡ୍ କୋଚ ସୁରେନ୍ଦ୍ର ଭାବେ ଓ ସଦସ୍ୟ ସୁବିତ ବିଶ୍ଵାଳ ଏହି ଘୋଷଣା କରିଛନ୍ତି। ସନ୍ଦୀପ ପଟ୍ଟନାୟକଙ୍କ ନେତୃତ୍ୱରେ ଘୋଷଣା ହୋଇଛି ୧୮ ଜଣିଆ ଟିମ୍ । ଯୁବ ଓ ଅଭିଜ୍ଞ ଖେଳାଳି ଙ୍କୁ ନେଇ ଟିମ ଘୋଷଣା କଲା ଓସିଏ।ସନ୍ଦୀପ ପଟ୍ଟନାୟକ ଅଧିନାୟକ ଦାୟିତ୍ବ ତୁଲାଇବେ। ସ୍ବାସ୍ତିକ ସାମଲ, ସନ୍ଦୀପ ପଟ୍ଟନାୟକ, ଗୌରଭ ଚୌଧୁରୀ, ଗୋଭିନ୍ଦ ପୋଦାର, ଆଶିର୍ବାଦ ସ୍ୱାଇଁ, ରାଜେଶ ଧୂପର, କାର୍ତ୍ତିକ ବିଶ୍ୱାଳ, ଦେବବ୍ରତ ପ୍ରଧାନ, ରାଜେଶ ମହାନ୍ତି, ତାରିଣୀ ସ, ତାପସ ଦାସ, ସୁମିତ ଶର୍ମା, ଜାମଲା ଭଞ୍ଜନ ମହାପାତ୍ର, ଅଭିଷେକ ରାଉତ, ଅନୀଲ ପରିଡା, ସର୍ବେଶ୍ୱର ମହାନ୍ତି, ରାକେଶ ପଟ୍ଟନାୟକ, ପ୍ରୟାସ କୁମାର ସିଂ ଙ୍କ ନାମ ଏହି ଦଳରେ ରହିଛି । ଏଥିରେ ୫ ଜଣ ନୂଆ ଖେଳାଳୀଙ୍କୁ ସ୍ଥାନ ମିଳିଛି । ଆଶୀର୍ବାଦ ସ୍ଵାଇଁ, ତାପସ ଦାସ, ସୁମିତ ଶର୍ମା, ଜମାଲା ଭଞ୍ଜନ ମହାପାତ୍ର ଓ ଅନିଲ ପରିଡ଼ା ହେଲେ ୫ ନୂଆ ଚେହେରା ।

ଆସନ୍ତା ୨୧ ତାରିଖରୁ ଜାନୁଆରୀ ୫ ତାରିଖ ପର୍ଯ୍ୟନ୍ତ ୭ ଟି ମ୍ୟାଚ ଖେଳିବ ଓଡ଼ିଶା । ଓଡ଼ିଶା କ୍ରିକେଟ ଟିମ୍ ଗୋଆ, ଆସାମ, ଉତ୍ତରାଖଣ୍ଡ, ମଣିପୁର, ଝାଡ଼ଖଣ୍ଡ, ହରିଆଣା ଓ ଗୁଜୁରାଟ ଟିମ୍ ସହ ମୁକାବିଲା କରିବ । ୱାନ ଡେ ଫର୍ମାଟରେ ହେବ ଏହି ମ୍ୟାଚ୍ । ବିଗତ ଅନେକ ବର୍ଷ ଧରି ବିଜୟ ହଜାରେ ଟ୍ରଫି ରେ ଓଡ଼ିଶାର ପଦର୍ଶନ ନୈରାଶ୍ୟଜନକ ରହୁଛି । ତେଣୁ ଚଳିତ ସିଯିନ ପୂର୍ବରୁ ଓଡ଼ିଶାର ଅଭ୍ୟାସ ଓ କ୍ୟାମ୍ପ ଜରିଆରେ ଏହି ଟିମ ନିଶ୍ଚୟ ଭଲ ପଦର୍ଶନ କରିବ ବୋଲି ଆଶା ରଖିଛି ଓଡିଶା କ୍ରିକେଟ ସଂଘ ।

Comments are closed.