ଭୁବନେଶ୍ୱର:ଓଏଏସ ଅଧିକାରୀଙ୍କୁ ରାଜ୍ୟ ସରକାରଙ୍କ କଡା ଚେତାବନୀ।ବଦଳି ହୋଇ ନୂଆ ସ୍ଥାନରେ ଯୋଗ ଦେଉ ନଥିବା ଓଏଏସ ଅଧିକାରୀଙ୍କୁ ରାଜ୍ୟ ସରକାର ଚରମ ବାଣୀ ଶୁଣାଇଛନ୍ତି । ୧୦ ତାରିଖ ସୁଦ୍ଧା ନୂଆ ସ୍ଥାନରେ ଯୋଗଦେବାକୁ କୁହାଯାଇଛି। ନଚେତ ୧୧ ତାରିଖରୁ ନିଲମ୍ବନ ପାଇଁ ପ୍ରସ୍ତୁତ ରୁହ। ଏଭଳି କିଛି କଡା ଭାଷାରେ ଓଏଏସ ଅଧିକାରୀଙ୍କୁ ତାଗିଦ କରିଛନ୍ତି ରାଜ୍ୟ ସରକାର।
ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗ ପକ୍ଷରୁ ଏ ନେଇ କଡା ଚେତାବନୀ ଦେଇ ବିଜ୍ଞପ୍ତି ପ୍ରକାଶ କରାଯାଇଛି। ରାଜ୍ୟ ସରକାରଙ୍କ ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗ ପକ୍ଷରୁ ଗତ ଅଗଷ୍ଟ ୧୭ ତାରିଖ ଓ ଅକ୍ଟୋବର ୧୭ ତାରିଖରେ ଓଏଏସ ଅଫିସରମାନଙ୍କର ବଡ଼ ଧରଣର ବଦଳି କରିଥିଲେ। ଗତ ଅଗଷ୍ଟ ୧୭ ତାରିଖରେ ୨୯ ଜଣ ଓଏଏସ ଅଫିସରଙ୍କ ବଦଳି ବିଭାଗ କରିଥିବା ବେଳେ ଅକ୍ଟୋବର ୧୭ ତାରିଖରେ ୧୧୮ ଜଣ ଓଏଏସ ଅଫିସରଙ୍କ ବଦଳି ବିଭାଗ ପକ୍ଷରୁ କରାଯାଇଥିଲା। ବଦଳି ସତ୍ତ୍ୱେ ଅନେକ ଓଏଏସ ଅଫିସର ନିଜର ପୂର୍ବ ସ୍ଥାନରେ କାର୍ଯ୍ୟ କରି ଆସୁଛନ୍ତି। ଯାହାକୁ ନେଇ ରାଜ୍ୟ ସରକାର ଖପ୍ପା। ତେଣୁ ଯଥା ଶୀଘ୍ର ବଦଳି ହୋଇଥିବା ସ୍ଥାନରେ ଯୋଗ ଦେବାକୁ ଚରମ ବାଣୀ ଶୁଣାଇଛନ୍ତି ରାଜ୍ୟ ସରକାର।
Comments are closed.