ନୂଆଦିଲ୍ଲୀ: ବଲିଉଡ୍ ଅଭିନେତ୍ରୀ ଜାକ୍ଲିନ୍ ଫର୍ଣ୍ଣାଣ୍ଡିଜ୍ ପରେ ଏବେ ନେରା ଫହେହୀଙ୍କୁ ସୁକେଶ ଚନ୍ଦ୍ରଶେଖରଙ୍କ ବଟି ଆଦାୟ ମାମଲାରେ ଜେରା କରାଯାଇଛି । ସୁକେଶଙ୍କ ୨୦୦ କୋଟି ଟଙ୍କା ବଟି ଆଦାୟ ମାମଲା ସହିତ ଅଭିନେତ୍ରୀ ନୋରା ଫତେହୀଙ୍କ ସମ୍ପୃକ୍ତି ରହିଛି । ଏନେଇ ଦିଲ୍ଲୀ ପୋଲିସ ଗତକାଲି ୬ଘଣ୍ଟା ଧରି ଜେରା କରିଛି । ଏହି ମାମଲାର ଜଣେ ସାକ୍ଷୀ ରୂପେ ଦିଲ୍ଲୀ ପୋଲିସର ଅର୍ଥନେତିକ ଅପରାଧ ଶାଖା ନୋରାଙ୍କୁ ଜେରା କରିଥିଲା ।
ସୂଚନା ଅନୁସାରେ, ନୋରାଙ୍କୁ ପୂର୍ବାହ୍ନ ୧୧ଟା ବେଳେ ଜେରା ଆରମ୍ଭ ହୋଇ ପ୍ରାୟ ସନ୍ଧ୍ୟା ୬ ପର୍ଯ୍ୟନ୍ତ ଚାଲିଥିଲା । ଜେରାରେ ସୁକେଶ ଦେଇଥିବା ଉପହାର ବିଏମ୍ଡବ୍ଲì୍ୟ କାର୍ ପ୍ରସଙ୍ଗରେ ନୋରାଙ୍କୁ ପଚରାଯାଇଥିଲା । ତେବେ ସୁକେଶ ତାଙ୍କୁ ବିଏମ୍ଡବ୍ଲì୍ୟ ଉପହାର ଦେଇଛନ୍ତି ବୋଲି ଉଠିଥିବା ଅଭିଯୋଗକୁ ନୋରା ଫତେହୀ ଅସ୍ୱୀକାର କରିଛନ୍ତି । ସେ ପୋଲିସଙ୍କୁ କହିଛନ୍ତି ଯେ, ଚେନ୍ନାଇରେ ଆୟୋଜିତ କାର୍ଯ୍ୟକ୍ରମରେ ଯୋଗଦେବା ପ୍ରତିବଦଳରେ ଉକ୍ତ କାର୍କୁ ସୁକେଶଙ୍କ ପତ୍ନୀ ଲୀନା ମାରିଆ ପାଲ୍ ତାଙ୍କୁ ଭେଟି ଦେଇଥିଲେ ।
ସୂଚନା ଥାଉଯେ, ଫର୍ଟିସ୍ ହେଲ୍ଥ୍କେୟାର୍ର ପୂର୍ବତନ ପ୍ରଦ୍ୟୋକ୍ତା ଶିବିନ୍ଦର ସିଂହଙ୍କ ପତ୍ନୀଙ୍କଠାରୁ ୨୦୦ କୋଟି ଟଙ୍କା ବଟି ଆଦାୟ ଅଭିଯୋଗରେ ଗତବର୍ଷ ଦିଲ୍ଲୀ ପୋଲିସ ସୁକେଶ, ତାଙ୍କ ପତ୍ନୀ ଲୀନା ମାରିଆ ପାଲ୍ ଏବଂ ଅନ୍ୟମାନଙ୍କ ନାମରେ ଚାର୍ଜସିଟ୍ ଫାଇଲ୍ କରିଥିଲା ।
Comments are closed.