ପୁରୀ : ପୁରୀ ସମୁଦ୍ରରେ ଚାଲିଛି ନୌସେନାର ମକ ଡ୍ରିଲ । ସମୁଦ୍ର କୂଳଠାରୁ ଅଳ୍ପ ଦୂରରେ ଲାଗିଛି ଏହି ଯୁଦ୍ଧ ଜାହାଜ । ଭାରତୀୟ ନୌସେନାର ୫ ଟି ଯୁଦ୍ଧ ଜାହାଜ ମକ ଡ୍ରିଲରେ ନିୟୋଜିତ ହୋଇଛନ୍ତି ।
ଦିଗବାରେଣୀ ଠାରୁ ଲାଇଟ୍ ହାଉସ୍ ପର୍ଯ୍ୟନ୍ତ ସମୁଦ୍ର ଭିତରେ ୫ଟି ଯୁଦ୍ଧ ଜାହାଜ ପଇଁତରା ମାରୁଛି। ସୂଚନା ଅନୁଯାୟୀ ପ୍ରତ୍ୟକ ବର୍ଷ ଭଳି ଏଥର ମଧ୍ୟ ନୌସେନା ଦିବସ ପୁରୀରେ ପାଳନ ହେବାକୁ ଯାଉଛି। ଏହାର ପୂର୍ବ ପ୍ରସ୍ତୁତି ସ୍ୱରୂପ ଏହି ୫ଟି ଜାହାଜ ଆସି ପୁରୀ ସମୁଦ୍ରରେ ସ୍ଥିତି ଅନୁଧ୍ୟାନ କରୁଛି ।
ସେପଟେ ବାଂଲାଦେଶୀ ଅନୁପ୍ରବେଶକୁ ନେଇ ଚିନ୍ତାଜନକ ସ୍ଥିତି ଉପୁଜିଥିବା ବେଳେ ଏହା ପୂର୍ବରୁ ନୌସେନାର ୫ଟି ଜାହାଜ ଏଠାରେ ଡେରା ପକାଇବାକୁ ନେଇ ଭିନ୍ନ ଚର୍ଚ୍ଚା ସୃଷ୍ଟି କରିଛି। ସେପଟେ ଆଜି ପୁରୀ ଆସିବେ ନୌସେନା ମୁଖ୍ୟ ଆଡମିରାଲ୍ ଦିନେଶ କେ. ତ୍ରିପାଠୀ। ତଟ ଅନୁଧ୍ୟାନ କରିବା ସହ ଜିଲ୍ଲା ପ୍ରଶାସନ ସହ ନୌସେନା ଦିବସ ପାଳନ ସମ୍ପର୍କରେ ଆଲୋଚନା କରିବେ ବୋଲି ସୂଚନା ରହିଛି।
Comments are closed.