ଶନି ମନ୍ଦିରକୁ କୋଟିଏ ଟଙ୍କାର ସୁନା କଳସ ଦାନ କଲେ ନବ ଦାସ !

ମହାରାଷ୍ଟ୍ର : ଜାନୁଆରୀ ୧୭ ରୁ କିଛି ରାଶିକୁ ହେଲା ଶନି ଚଳନ I ଏହା କେତେକଙ୍କ ପାଇଁ ଶୁଭ ଫଳ ଆଣିଥିବାବେଳେ,ଆଉ କିଛି ରାଶି ଡରି ଛାନିଆ I ଏଥିରୁ ବର୍ତ୍ତିବା ପାଇଁ ଯିଏ ଯେତେ ପ୍ରକାର ପ୍ରତିକାର ଆରମ୍ଭ କରିଦେଲେଣି I ସେହିଭଳି ବର୍ତ୍ତମାନ ଓଡିଶା ରାଜନୀତିରେ ଗୋଟିଏ ଚର୍ଚ୍ଚା ଜୋର ଧରିଛି I ବିଜେଡି ର ଆଗଧାଡ଼ିରେ ଥିବା ଦଳ ଡିଆଁ ନେତା ତଥା ସ୍ୱାସ୍ଥ୍ୟ ମନ୍ତ୍ରୀ ନବ ଦାସ ଙ୍କ ସମ୍ପର୍କରେ I କୋରାନI କାଳରେ ୮୦ଟି ଟ୍ରକ୍‌ କଣି ଚର୍ଚ୍ଚାରେ ଥିବା ନବ ଦାସ, ଶନି ଅଭିଷେକ କରିବା ପାଇଁ ପରିବାର ସହିତ ଯାଇଛନ୍ତି ମହାରାଷ୍ଟ୍ର ସ୍ଥିତ ଶନି ସିଙ୍ଗନାପୁର I ଖାଲି ସେତିକି ନୁହେଁ ସେଠାରେ ଶନିଦେବଙ୍କୁ ସନ୍ତୁଷ୍ଟ କରିବା ପାଇଁ କୋଟି କୋଟି ଟଙ୍କାର ସୁନା କଳସ ଦାନ କରିଛନ୍ତି I ଏହି ସୁନା କଲସଟି ୭୦୦ଗ୍ରାମ ସୁନା ଓ ୫କେଜି ରୂପା ବ୍ୟବହୃତ ହୋଇଥିବା ଜଣାପଡିଛି ଏବଂ ଏହାର ଆନୁମାନିକ ମୂଲ୍ୟ ପ୍ରାୟ ୧କୋଟି ଟଙ୍କାରୁ ଉର୍ଦ୍ଧ୍ବ ରହିଛି ବୋଲି ସୂଚନା ମିଳିଛି। ଗତ ଶନିବାର ଶନି ଅମାବାସ୍ୟାରେ ସ୍ୱାସ୍ଥ୍ୟମନ୍ତ୍ରୀ ଓ ତାଙ୍କ ଝିଅ ମହାରାଷ୍ଟ୍ର ଯାଇ ଶନି ଅଭିଷେକ କରିଛନ୍ତି। ଏଭଳି ଦାନ ମନ୍ଦିରକୁ ମିଳିଥିବା ସବୁଠାରୁ ବଡ଼ ଦାନ ବୋଲି ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି।

ତେବେ ମନ୍ତ୍ରୀ ଏହି କଥାକୁ ଗୋପନ କରିବା ପାଇଁ ଚେଷ୍ଟା କରିଥିବା ସୂଚନା ମିଳୁଥିବା ବେଳେ ସୋସିଆଲ ମିଡିଆରେ ତାଙ୍କର ଫଟୋ ଏବଂ ଭିଡିଓ ଦେଖିବାକୁ ମିଳିଛି । ବର୍ତ୍ତମାନ ନବ ଦାସ ଝିଅ ଦୀପାଳି ଦାସଙ୍କୁ ରାଜନୀତି ମୈଦାନରେ ପରବର୍ତ୍ତୀ ପିଢ଼ି ହିସାବରେ ଉତ୍ତରିବାକୁ ଚାହୁଁଛନ୍ତି I ଦେଖାଯାଉ ୨୦୨୪ ନିର୍ବାଚନ ଉଭୟ ବାପା ଓ ଝିଅ ଙ୍କ ଜୀବନରେ କେଉଁ ମୋଡ଼ ନେଉଛି I