ଭୁବନେଶ୍ୱର : ରାଜଧାନୀରେ ବିଭତ୍ସ ହତ୍ୟା । ବାଇକ ଚୋରି ସମୟରେ ଘର ମାଲିକ ଦେଖିଦେବାରୁ ଯୁବକଙ୍କୁ ଆକ୍ରମଣ କରି ମୁଣ୍ଡକୁ ପଥରରେ ଛେଚି ହତ୍ୟା କରିଛନ୍ତି ଦୁର୍ବୁତ୍ତ । ଏଭଳି ଅଭାବନୀୟ ଘଟଣା ଘଟିଛି ଭରତପୁର ଥାନା ଅନ୍ତର୍ତଗତ ତାରିଣୀ ବସ୍ତିରେ । ହତ୍ୟାକଣ୍ଡ ଭିଆଇବା ପରେ ଘଟଣାସ୍ଥଳରୁ ଫେରାର ହୋଇଯାଇଛନ୍ତି ଦୁର୍ବୁତ୍ତ। ଘଟଣାସ୍ଥଳରେ ପୁଲିସ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି।
ସୂଚନାନୁସାରେ, ଗୁରୁବାର ରାତିରେ ୪ ଜଣ ଦୁର୍ବୃତ୍ତ ଭରତପୁର ତାରିଣୀ ବସ୍ତିରେ ବାଇକ୍ ଚୋରି କରୁଥିଲେ । ସେହି ସମୟରେ ଛାତ ଉପରୁ ଦେଖିଦେଇ ଥିଲେ ଘର ମାଲିକ । ସେ ଏହାକୁ ପ୍ରତିବାଦ କରି ତଳକୁ ଆସି ଦୁର୍ବୁତ୍ତାଙ୍କୁ ରୋଲିବାକୁ ଚେଷ୍ଟା କରୁଥିବାବେଳେ ଚୋର ମାନେ ରାଗିଯାଇ ପ୍ରଥମେ ଛୁରା ମାଡ଼ କରିଥିଲେ। ରକ୍ତାକ୍ତ ଅବସ୍ଥାରେ ତଳେ ପଡ଼ିଯାଇଥିଲେ ଯୁବକ । ପରେ ଏକ ବଡ଼ ପଥରରେ ଛେଚିଦେଇଥିଲେ। ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଛି। ହତ୍ୟାକାଣ୍ଡ ଘଟଣାର ଖବର ପାଇ ଭରତପୁର ପୁଲିସ ସେଠାରେ ପହଞ୍ଚି ହତ୍ୟାକାରୀଙ୍କୁ ଧରିବାକୁ ତଦନ୍ତ ଜାରି ରଖିଛି ।
Comments are closed.