ଆଜିକାଲି ଅନେକ ଭେରାଇଟିର ଫାବ୍ରିକ୍ ମିଳୁଛି । ଏଭଲି ଫାବ୍ରିକ୍ ବର୍ତ୍ତମାନ ଏହି ତାଲିକାରେ ସାମିଲ ହୋଇଛି, ଯାହା ମଶା କାମୁଡାକୁ ରୋକିବ । ମଶାଙ୍କ କାରଣରୁ ବିଶ୍ୱରେ ଅନେକ ରୋଗ ଯେପରି ଡେଙ୍ଗୁ, ମେଲେରିଆ ଭଳି ରୋଗ ବ୍ୟାପୁଛି । ମଶା ସମସ୍ୟାରୁ ରକ୍ଷା ପାଇବା ପାଇଁ ବିଭିନ୍ନ ପ୍ରକାରର ପଦକ୍ଷେପ ନିଆଯାଉଛି । ହେଲେ ଏହି ପଦକ୍ଷେପ କେତେକ ସ୍ଥାନରେ କାମ କରୁଥିବାବେଳେ କେତେକ ସ୍ଥାନରେ କାମ କରୁନାହିଁ । ହେଲେ ଜନ୍ ବେକମ୍ୟାନ୍ ନାମକ ବ୍ୟକ୍ତି ଏହି ନୂଆ ଫାବ୍ରିକ୍ ପ୍ରସ୍ତୁତ କରିଛନ୍ତି । ସେ ଏହି ଫାବ୍ରିକକୁ ଏକ ହାଇଟେକ୍ ଷ୍ଟିଚିଙ୍ଗ୍ ମେସିନ୍ ସହାୟତାରେ ପ୍ରସ୍ତୁତ କରିଛନ୍ତି । ତାଙ୍କ ଟିମ୍ ଏଭଳି ଏକ ଫାବ୍ରିକ୍ର ନିର୍ମାଣ କରିବାକୁ ଚାହୁଁଥିଲେ ଯାହା ମଶା କିମ୍ବା କୌଣସି ବି ପୋକଙ୍କୁ କାମୁଡିବାକୁ କୌଣସି ସ୍ପେସ ଦେବ ନାହିଁ । ଏହାସହିତ ଏହି ଫାବ୍ରିକଟିକୁ ହାଲୁକା ଓ ଆରାମଦାୟକ କରିବା ମଧ୍ୟ ଟିମ୍ର ଲକ୍ଷ ଥିଲା । ବର୍ତ୍ତମାନ ସେମାନେ ଏପରି ଫାବ୍ରିକର ନିର୍ମାଣ କରି ସାରିଛନ୍ତି । ଆଗକୁ ଏହାର ଲାଇସେନ୍ସ କାଢିବା ସହିତ କିଭଳି ଏହା ବିଭିନ୍ନ ଷ୍ଟୋରରେ ଉପଲବ୍ଧ ହେବ ସେନେଇ ଚେଷ୍ଟା ଜାରି ରଖିଛନ୍ତି।
Comments are closed.