ଭୁବନେଶ୍ୱର : ମୋ ବସକୁ ନାହିଁ ଲଗାମ । ଚାଳକ ମାନଙ୍କର ବେପରୁୱା ମନୋଭାବ ଯୋଗୁଁ ଘଟୁଛି ବାରମ୍ବାର ଦୁର୍ଘଟଣା । ସେହିପରି ଆଜି ସକାଳେ ରାଜଧାନୀର ବ୍ୟସ୍ତ ବହୁଳ ରାଜମହଲ ଛକରେ ଘଟିଛି ଦୁର୍ଘଟଣା । ଗୋଟିଏ ମୋ ବସ ପଛକୁ ପିଟି ହୋଇଛି ଆଉ ଏକ ମୋ ବସ । ଏହା ସହ ତା ପଛକୁ ଆଉ ଦୁଇଟି କାର୍ ମଧ୍ୟ ପିଟି ହୋଇଛି । ଏହି ର୍ଘଟଣାରେ ମୋଟ ୪ ଟି ଗାଡ଼ି ପଛକୁ ପଛ ପିଟି ହୋଇଛି । ଦୁର୍ଘଟଣା ହେବା ଫଳରେ ରାଜମହଲ ରାସ୍ତା ଜାମ୍ ହୋଇଥିବା ବେଳେ ଗାଡ଼ି ଚଳାଚଳ ବାଧାପ୍ରାପ୍ତ ହୋଇଥିବାର ଦେଖିବାକୁ ମିଳିଛି ।
ସୂଚନାନୁସାରେ,ଆଜି ସକାଳ ୮ ତା ବେଳେ ପ୍ରଥମେ ଏକ ଇଲେକ୍ଟ୍ରିକ ବସ ଯାଉଥିବା ସମୟରେ ଅନ୍ୟ ଏକ ମୋ ବସ ଓଭର ଟେକ କରୁଥିବା ସମୟରେ ଇ-ବସ ପଛରେ ପିଟି ହୋଇଯାଇଥିଲା । ଏହି ସମୟରେ ଦ୍ଵିତୀୟ ବସ ପଛକୁ ଆସୁଥିବା ୨ ଟି କାର ହଠାତ ବ୍ରେକ ଦେବାରୁ ପରସ୍ପର ମଧ୍ୟରେ ଧକ୍କା ହୋଇଥିଲେ । ଫଳରେ ଏହି ସିରିଜ୍ ଦୁର୍ଘଟଣାରେ ମୋଟ ୪ ଟି ଗାଡ଼ି ଦୁର୍ଘଟଣାଗ୍ରସ୍ତ ହୋଇଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଘଟଣାର ତଦନ୍ତ ଚଳାଇଛି । ତେବେ ଏହି ଦୁର୍ଘଟଣା ଫଳରେ ଘଟଣା ସ୍ଥଳରେ ରାସ୍ତା ଜାମ୍ ହୋଇଯାଇଥିଲା । ଗାଡ଼ି ଚଳାଚଳ ମଧ୍ୟ ବାଧାପ୍ରାପ୍ତ ହୋଇଥିଲା ।
Comments are closed.