ପ୍ରକାଶ ପାଇଲା ମାଟ୍ରିକ ପରୀକ୍ଷା ସୂଚୀ

ଭୁବନେଶ୍ୱର: ମାର୍ଚ୍ଚ ୧୫: ପ୍ରକାଶ ପାଇଲା ବୋର୍ଡର ମାଟ୍ରିକ ପରୀକ୍ଷା ସୂଚୀ। ଆସନ୍ତା ଏପ୍ରିଲ ୨୯ରେ ଦ୍ୱିତୀୟ ଭାଷା ଓ ମେ ୨ରେ ହେବ ଗଣିତ ପରୀକ୍ଷା। ସେହିପରି ମେ ୪- ବିଜ୍ଞାନ ଏବଂ ମେ ୫- ପ୍ରଥମ ଭାଷା ପରୀକ୍ଷା କରାଯିବ ବୋଲି ବିଜ୍ଞପ୍ତି ପ୍ରକାଶ ପାଇଛି। ତାସହ ମେ ୬ ତାରିଖରେ ତୃତୀୟ ଭାଷା ଏବଂ ମେ ୭ ତାରିଖରେ ହେବ ସାମାଜିକ ବିଜ୍ଞାନ ପରୀକ୍ଷା । ତେବେ ରେଗୁଲାର ଏବଂ ଏକ୍ସରେଗୁଲାର ପରୀକ୍ଷାର୍ଥୀଙ୍କ ପାଇଁ ପ୍ରଥମ ଭାଷା, ବିଜ୍ଞାନ ଓ ସାମାଜିକ ବିଜ୍ଞାନ ପ୍ରଶ୍ନପତ୍ର ପୃଥକ ରହିବ ବୋଲି ପରିଷଦ ପକ୍ଷରୁ କୁହାଯାଇଛି। ସେହିପରି ନବମ ଶ୍ରେଣୀ ସମ୍ମେଟିଭ୍ ପରୀକ୍ଷା-୨ର ସୂଚୀ ମଧ୍ୟ ପ୍ରକାଶିତ ହୋଇଛି।