ରାୟଗଡା : ଖୋଲିଲା ରାୟଗଡ଼ାର ଅଧିଷ୍ଠାତ୍ରୀ ଦେବୀ ମା ମଝିଘରିଆଣି ମନ୍ଦିରର ଦାନ ହୁଣ୍ଡି । ଦୀର୍ଘ ୫ ମାସ ପରେ ଆଜି ହୁଣ୍ଡି ଖୋଲାଯାଇଛି । ଦେବୋତ୍ତର ବିଭାଗ, ସ୍ଥାନୀୟ ତହସିଲଦାର, ଆରଆଇ, ମନ୍ଦିର ପରିଚାଳନା କମିଟି ସହ ପୋଲିସଙ୍କ ତତ୍ବାବଧାନରେ ଖୋଲାଯାଇଛି । ପୋଲିସର କଡା ସୁରକ୍ଷା ବଳୟ ମଧ୍ୟରେ ମନ୍ଦିର ପରିଚାଳନା କମିଟିର କର୍ମକର୍ତ୍ତା ଉପସ୍ଥିତିରେ ୯ଟି ଦାନ ହୁଣ୍ଡି ଆଜି ସକାଳ ୯ ଘଟିକା ସମୟରୁ ଖୋଲାଯାଇ ଟଙ୍କା, ସୁନା ଗଣତି ଆରମ୍ଭ ହୋଇଛି । ଏଥିପାଇଁ ବିଭିନ୍ନ ସଂଗଠନର ୨୦୦ ସଦସ୍ୟ ନିୟୋଜିତ ହୋଇଛନ୍ତି । ଅପରାହ୍ନ ଯାଏଁ ଚାଲିବ ଗଣତି । ଚଳିତ ବର୍ଷା ହୁଣ୍ଡୀ ଅର୍ଥ କୋଟିଏ ଛୁଇଁବା ଆଶା କରାଯାଉଛି । ତେବେ ପୂର୍ବରୁ ଜାନୁଆରୀ ୨୭ ତାରିଖରେ ହୁଣ୍ଡି ଖୋଲା ଯାଇଥିଲା । ହୁଣ୍ଡୀରୁ ମୋଟ ୯୪ ଲକ୍ଷ ୪୯ ହଜାର ଟଙ୍କା ସହ ୨୧୭୦ ଗ୍ରାମ ରୁପା, ୯୩ ଗ୍ରାମ ସୁନା ମିଳିଥିଲା ।
ଆଜି ହୁଣ୍ଡିରୁ ମିଳିବା ଅର୍ଥକୁ ଉତ୍କଳ ଗ୍ରାମ୍ୟ ବ୍ୟାଙ୍କରେ ଜମା କରାଯିବ । ଏହି ଅର୍ଥରୁ ମିଳୁଥିବା ସୁଧରେ ମନ୍ଦିରର ପାରିପାର୍ଶ୍ବିକ ଉନ୍ନତି ସହ ମନ୍ଦିରକୁ ଆସୁଥିବା ଭକ୍ତଙ୍କ ସୁବିଧା ପାଇଁ ଖର୍ଚ୍ଚ କରାଯିବ ବୋଲି କହିଛନ୍ତି ମନ୍ଦିର ପରିଚାଳନା କମିଟିର ଟ୍ରଷ୍ଟ ପକ୍ଷରୁ କୁହାଯାଇଛି ।
Comments are closed.