ଭୁବନେଶ୍ୱର: ଫେବୃଆରୀ ୦୪: ଉତ୍ତର ଓଡ଼ିଶାର କିଛି ସ୍ଥାନରେ ପଶ୍ଚିମା ଝଡ଼ ପ୍ରଭାବ ସକାଶେ ବର୍ଷା ଲାଗି ରହିଛି । ଦକ୍ଷିଉପକୂଳ ଓଡ଼ିଶାର ମଧ୍ୟ କିଛି ସ୍ଥାନରେ ବର୍ଷା ସମ୍ଭାବନା ରହିଛି ବୋଲି ଆଜି ଭୁବନେଶ୍ୱର ପାଣିପାଗ କେନ୍ଦ୍ର ସୂଚନା ଦେଇଛି । ଏହାହସିତ ରାଜ୍ୟର ୯ ଜିଲ୍ଲାରେ କୁଆପଥର ସହିତ ପ୍ରବଳ ବର୍ଷାର ସତର୍କ ସୂଚନା ଦିଆଯାଛି । ସେହି ଜିଲ୍ଲାଗୁଡ଼ିକ ହେଲେ- ସୁନ୍ଦରଗଡ, ଦେବଗଡ଼, ଅନୁଗୁଳ, ଢେଙ୍କାନାଳ, ଯାଜପୁର, କେନ୍ଦୁଝର, ମୟୂରଭଞ୍ଜ, ବାଲେଶ୍ୱର ଏବଂ ଭଦ୍ରକ ।
ସକ୍ରିୟ ପଶ୍ଚିମା ଝଡର ପ୍ରଭାବ ରେ ଆଜି କିଛି ଜିଲ୍ଲାରେ ବିଜୁଳି ଘଡଘଡି ସହ ବର୍ଷା ସମ୍ଭାବନା
କିଛି ଜିଲ୍ଲାରେ କୁଆ-ପଥର ସହ ବର୍ଷା ମଧ୍ୟ ସମ୍ଭାବନା
— Meteorological Centre, Bhubaneswar (@mcbbsr) February 4, 2022
ସେହିପରି ପଶ୍ଚିମା ଝଡ଼ର ପ୍ରଭାବକୁ ନଜରରେ ରଖି ଆଜି ପର୍ଯ୍ୟଟକଙ୍କ ପାଇଁ ଶିମିଳିପାଳ ଅଭୟାରଣ୍ୟକୁ ବନ୍ଦ କରାଯାଇଛି । ମୟୁରଭଞ୍ଜ ଜିଲ୍ଲାର ବିଭିନ୍ନ ସ୍ଥାନରେ ଆଜି ସକାଳୁ ବର୍ଷା ଲାଗି ରହିଛି ।
ଗତକାଲିଠାରୁ ରାଜ୍ୟ ପାଣିପାଗରେ ପରିବର୍ତ୍ତନ ଆସିଛି । ବହୁ ଜିଲ୍ଲାମାନଙ୍କରେ ପଶ୍ଚିମା ଝଡ଼ ପ୍ରବାହ ହେଉଛି । ଆଜି ମଧ୍ୟ ଭୁବନେଶ୍ୱରରେ ପଶ୍ଚିମା ଝଡ଼ ଯୋଗୁଁ ୨୦ରୁ ୨୫ କିମି ବେଗରେ ପବନ ପ୍ରବାହ ହେଉଥିବା ନଜର ଆସିଛି ।
ପଶ୍ଚିମା-ଝଡ ପ୍ରଭାବରେ ଭୁବନେଶ୍ୱର ଆକାଶରେ ମେଘ -ଖଣ୍ଡ
ଏହା ପ୍ରଭାବରେ ରାଜଧାନୀ ରେ ପବନ ଘଣ୍ଟା ପ୍ରତି ବେଗ ୨୦ ରୁ ୨୫ କିମି ବେଗରେ ବହୁଛି pic.twitter.com/aVnp7nZp4N
— Meteorological Centre, Bhubaneswar (@mcbbsr) February 4, 2022
ଭୁବନେଶ୍ୱର ପାଣିପାଗ କେନ୍ଦ୍ରର ସୂଚନା-
୬ ଫେବୃଆରୀ ୨୦୨୨ ରେ ଏକ ପଶ୍ଚିମାଝଡ ପଶ୍ଚିମ ହିମାଳୟ ଅଞ୍ଚଳକୁ ପ୍ରଭାବିତ କରିବାର ସମ୍ଭାବନା ଥିବା ବେଳେ, ୨ ଦିନ ପରେ ଅର୍ଥାତ ୮ ଫେବୃଆରୀ ରୁ ଅନ୍ୟ ଏକ ପଶ୍ଚିମା ଝଡ ଭାରତର ଉତ୍ତର-ପଶ୍ଚିମ ଭାଗକୁ ପ୍ରଭାବିତ କରିବାର ସମ୍ଭାବନା ରହିଛି |
— Meteorological Centre, Bhubaneswar (@mcbbsr) February 4, 2022
Comments are closed.