୨୦୧୦ରେ ବଲିଉଡରେ ଡେବ୍ୟୁ କରିଥିବା ଜରିନ୍ ଖାନ୍ ବେଶ୍ କିଛି ଭଲଭଲ ଫିଲ୍ମ ଦର୍ଶକଙ୍କୁ ଭେଟି ଦେଇଛନ୍ତି । ତେବେ ନିକଟରେ ଏକ ସାକ୍ଷାତକାରରେ ସେ ନିଜର ଦୁଃଖକଥା ପ୍ରକାଶ କରିଛନ୍ତି । ସେ ଫିଲ୍ମ ଭିର୍ ଜରିଆରେ ବଲିଉଡ୍ରେ ପାଦ ଦେଇଥିଲେ । ଏଥିରେ ସେ ସଲମାନଙ୍କ ସହିତ ସ୍କ୍ରିନ୍ ସେୟାର କରିଥିଲେ । ହେଲେ ଏହି ଫିଲ୍ମ ପରେ ତାଙ୍କୁ ଅନେକ ଟ୍ରୋଲିଂର ସାମନା କରିବାକୁ ପଡିଥିଲା । ଲୋକମାନେ ତାଙ୍କୁ କ୍ୟାଟ୍ରିନାଙ୍କ ସହିତ ତୂଳନା କରିବା ଆରମ୍ଭ କରିଥିଲେ । ତେବେ ପ୍ରଥମରୁ ଏହା ତାଙ୍କୁ ଭଲ ଲାଗିଥିଲା ହେଲେ ପରିସ୍ଥିତି ବଦଳିଥିଲା । ପରେ ଦର୍ଶକ ତାଙ୍କର ଓଭର େୱଟ୍ ବା ମୋଟାପଣକୁ ନେଇ କଥା ଆରମ୍ଭ କରିଥିଲେ । ଯାହା ତାଙ୍କୁ ବହୁତ ଦୁଃଖ ଦେଇଥିଲା । ଏଭଳି ଟ୍ରୋଲିଂ ପରେ ସେ କିଛି ଦିନ ଘରୁ ବାହାରିବା ମଧ୍ୟ ବନ୍ଦ କରିଦେଇଥିଲେ । ସେହିଭଳି କ୍ୟାଟ୍ରିନାଙ୍କ ସହିତ ତୂଳନା ତାଙ୍କ କ୍ୟାରିୟର ପାଇଁ ଭଲ ନଥିଲା ବୋଲି ଜରିନ୍ ଏହି ସାକ୍ଷାତକାରରେ ପ୍ରକାଶ କରିଛନ୍ତି । ସେହିଭଳି ଭିର ରିଲିଜ୍ ପରେ ଜରିନ୍ଙ୍କୁ ବଲିଉଡର କିଛି ବରିଷ୍ଠ କଳାକାର ଗର୍ବୀ ବୋଲି ସମ୍ଭୋଧନ କରିଥିବା ସେ ପ୍ରକାଶ କରିଛନ୍ତି । ତେଣୁ ବି ଟାଉନ୍ରେ ଡେବୁ୍ୟ ସମୟର ଅନୁଭୂତି ଖରାପ ଥିବା ସେ ଏହି ସାକ୍ଷାତକାରରେ ପ୍ରକାଶ କରିଛନ୍ତି । ତେଣୁ ତାଙ୍କୁ ପ୍ରଥମେ ଆଡଜଷ୍ଟ କରିବାକୁ ଟିକେ ସମୟ ଲାଗିଥିଲା । ହେଲେ ପରେ ସବୁ ଠିକ୍ ହୋଇଥିଲା । ଜରିନ୍ଙ୍କୁ ହାଉସ୍ ଫୁଲ ୨, ହେଟ୍ ଷ୍ଟୋରୀ ୩, ହମ ଭି ଅକେଲେ ତୁମ ଭି ଅକେଲେ ଭଳି ଫିଲ୍ମରେ ଦେଖିବାକୁ ମିଳିଥିଲା ।
Comments are closed.