ସୋନପୁର : ସବ୍-ରେଜିଷ୍ଟ୍ରାର ଓ ଟ୍ରଜେରୀ ଅଫିସ୍ କ୍ୟାମ୍ପସରେ ପଡ଼ିଛି କାଠ ଟେବୁଲ । ଆଉ ତା’ ଉପରେ ସୁନ୍ଦର ଭାବରେ ଥୁଆ ଯାଇଛି ଦେଶୀ ବିଦେଶୀ ବ୍ରାଣ୍ଡର ମଦ ବୋତଲ । ସୋନପୁର ଜିଲ୍ଲା ବୀରମହାରାଜପୁରରେ ମଦ ବୋତଲ ଓ ସିଗାରେଟ୍ ଖୋଳକୁ ଦେଖିଲେ ଲାଗୁଛି ଏଠି ଜମୁଛି ମଦୁଆଙ୍କ ଆସର ।
ସୋନପୁର ଜିଲ୍ଲା ବୀରମହାରାଜପୁରର ସବ୍-ରେଜିଷ୍ଟ୍ରାର ଓ ଟ୍ରଜେରୀ ଅଫିସ ଗୋଟିଏ କ୍ୟାମ୍ପସରେ ରହିଛି । ନୁଆଖାଇ ଦୁଇଦିନ ପରେ ଅଫିସ୍ ପରିସରରେ ଦେଖିବାକୁ ମିଳିଥିଲା ଏହି ଦୃଶ୍ୟ । ଅଫିସର ମୁଖ୍ୟ ଫାଟକ ସମ୍ମୁଖରେ ପଡ଼ିଥିଲା କାଠ ଗୋଟିଏ ଟେବୁଲ ଓ ଚାରୋଟି ପ୍ଲାଷ୍ଟିକ୍ ଚେୟାର । ଆଉ ଟେବୁଲ ଉପରେ ଥୁଆ ହୋଇଥିଲା ଦେଶୀ ଓ ବିଦେଶୀ ମଦ ବୋତଲ । ଟେବୁଲ୍ ତଳେ ପଡ଼ିଥିଲା ଖାଲି ସିଗାରେଟ ଖୋଳ ଓ ଅନ୍ୟ ପାଉଚ ।
ଏଥିରୁ ଜଣାପଡ଼ୁଛି, ରାତିରେ ଏଠାରେ ଜମିଥିଲା ମଦର ଆସର । ସବ୍-ରେଜିଷ୍ଟ୍ରାର ଓ ଟ୍ରଜେରୀ ଅଫିସର ପ୍ରବେଶ ପଥ ଗୋଟିଏ । ଦୁଇ ଅଫିସର ଦୁଇ ଜଣ କର୍ମଚାରୀଙ୍କ ପାଖରେ ରହୁଛି ଫାଟକ ଚାବି । ଖୋଦ୍ ଅଫିସ୍ କର୍ମଚାରୀ ମଦ ଆସର ଜମାଇ ଥିଲେ ନା ଅସାମାଜିକ ତତ୍ୱଙ୍କ ପ୍ରାଦୁର୍ଭାବ ବଢ଼ିଛି ତାକୁ ନେଇ ଉଠିଛି ପ୍ରଶ୍ନ । ବିଭାଗୀୟ ଅଧିକାରୀ ଏ ସମ୍ପର୍କରେ ପ୍ରତିକ୍ରିୟା ରଖିବାକୁ ଦୂରେଇ ଯାଉଛନ୍ତି ।
Comments are closed.