ନୂଆଦିଲ୍ଲୀ : କ୍ରିକେଟର ଅର୍ଶଦୀପ ସିଂହଙ୍କ ବିଷୟରେ ଭୁଲ ସୂଚନା ପ୍ରକାଶିତ ହୋଇଥିବା ଅଭିଯୋଗ ହୋଇଛି । ଉଇକିପିଡିଆରେ ଅର୍ଶଦୀପ ସିଂହଙ୍କ ବିଷୟରେ ଆପତ୍ତିଜନକ ତଥ୍ୟକୁ ନେଇ ଖªା ହୋଇଛି କେନ୍ଦ୍ର । ବିଛିନ୍ନତାବାଦୀ ଖଲିସ୍ଥାନୀ ଆନ୍ଦୋଳନ ସହ ଅର୍ଶଦୀପ ସିଂହଙ୍କର ଲିଙ୍କ ଥିବା ତଥ୍ୟ ପ୍ରକାଶ ପାଇଛି । ଯାହାକୁ ନେଇ କେନ୍ଦ୍ରର ଇଲେକଟ୍ରୋନିକ୍ ଏବଂ ସୂଚନା ପ୍ରଯୁକ୍ତି ମନ୍ତ୍ରଣାଳାୟ ଉଇକିପିଡିଆ କାର୍ଯ୍ୟନିର୍ବାହୀଙ୍କୁ ନୋଟିସ୍ କରିଛନ୍ତି ।
ଅର୍ଶଦୀପ ସିଂହଙ୍କ ବିଷୟରେ ଏହି ଭୁଲ ତଥ୍ୟ ସାମ୍ପ୍ରଦାୟିକ ସଦଭାବକୁ ବିଗାଡ଼ିଦେବା ନେଇ କେନ୍ଦ୍ର ସନ୍ଦେହ କରୁଛି । ସେହିପରି ଅର୍ଶଦୀପ ସିଂହଙ୍କ ପରିବାରରେ ଅଶାନ୍ତି ଏବଂ ଆଇନ ଶୃଙ୍ଖଳା ପରିସ୍ଥତି ସୃଷ୍ଟ ହେବା ନେଇ କେନ୍ଦ୍ର ସନ୍ଦେହ କରିଛି ।
ତେଣୁ ଏହାର ଜବାବ ରଖିବା ପାଇଁ ଉଇକିପିଡିଆ କାର୍ଯ୍ୟନିର୍ବାହୀଙ୍କୁ ନୋଟିସ୍ ହୋଇଛି । ତାଙ୍କୁ ଜେରା ପାଇଁ ଉଚ୍ଚସ୍ତରୀୟ କମିଟି ଗଠନ କରାଯାଇଛି । ଏଥିସହ ଇଣ୍ଟରନେଟର ପ୍ରମୁଖ ସୂଚନାପ୍ରଦାନକାରୀ ସଂସ୍ଥା ଉଇକିପିଡିଆ କାର୍ଯ୍ୟନିର୍ବାହୀଙ୍କୁ ମଧ୍ୟ କାରଣ ଦର୍ଶାଅ ନୋଟିସ୍ ଜାରି ହୋଇପାରେ ।
ରବିବାର ଭାରତ-ପାକିସ୍ତାନ ମଧ୍ୟରେ ଖଳାଯାଇଥିବା ଏସିଆ କପରେ ଖରାପ ପ୍ରଦର୍ଶନ ପାଇଁ ସୋଶାଲ ମିଡିଆରେ ତୀବ୍ର ସମାଲୋନନାର ଶିକାର ହୋଇଛନ୍ତି ଅର୍ଶଦୀପ ସିଂହ । ଉକ୍ତ ମ୍ୟାଚରେ ଏକ ଗୁରୁତ୍ୱ ପୂର୍ଣ୍ଣ କ୍ୟାଚ୍ ଛାଡ଼ିବାରୁ ଅର୍ଶଦୀପଙ୍କୁ ବିଭିନ୍ନ ଟାହିଟାପରା ଶୁଣିବାକୁ ମିଳିଛି । ଗତକାଲି ମ୍ୟାଚର ୧୮ ଓଭରରେ ଅସିଫ୍ ଅଲ୍ଲିଙ୍କ କ୍ୟାଚ୍ ମିଶ କରିଥିଲେ ଅର୍ଶଦୀପ । ଯାହା ଭାରତ ପାଇଁ ବେଶ ଖାସ୍ ଥିଲା ।
ଗତକାଲି ୫ ୱିକେଟରେ ଜିତିଥିଲା ପାକିସ୍ତାନ । ଏହି ସମୟରେ ତାଙ୍କ ସମ୍ପର୍କରେ ଉଇକିପିଡିଆରେ ଭୁଲ ତଥ୍ୟ ପରିସ୍ଥିତିକୁ ଅଧିକ ସଙ୍ଗୀନ କରିପାରେ । ଖଲିସ୍ଥାନୀ ଲିଙ୍କକୁ ନେଲ ଲୋକେ ଅନେକ କିଛି କହିପାରନ୍ତି । ତେଣୁ ଏହି ପ୍ରସଙ୍ଗକୁ ଅତି ଗୁରୁତର ସହ ନେଇଛି କେନ୍ଦ୍ର । ମିଳିଥିବା ସୂଚନା ଅନୁଯାୟୀ ଉଇକିପିଡିଆରେ ଥିବା ଏଡିଟ୍ ହିଷ୍ଟ୍ରୀକୁ ଯାଇ କେହିଜଣେ ୟୁଜର ଅର୍ଶଦୀପ ସିଂହଙ୍କ ବିଷୟରେ ତଥ୍ୟ ବଳଦଳାଇ ଦେଇଛନ୍ତି ।
Comments are closed.