ଝାରସୁଗୁଡା : ପୂର୍ବତନ ମନ୍ତ୍ରୀ ସ୍ବର୍ଗତଃ ନବ ଦାସଙ୍କ ଘରେ ତୃତୀୟ ଦିନରେ ଆୟକର ବିଭାଗର ରେଡ୍ । ତାଙ୍କ ବାସଭବନ ସମେତ ବିଭିନ୍ନ ସ୍ଥାନରେ ଆୟକର ବିଭାଗ ପକ୍ଷରୁ ଚଢାଉ ଜାରି ରହିଛି । ସମ୍ବଲପୁର, ସୁନ୍ଦରଗଡ଼, ଭୁବନେଶ୍ବର ଓ ଦିଲ୍ଲୀ ଟିମର ମିଳିତ ଚଢାଉ ଜାରି ରହିଛି । ନବ ଦାସଙ୍କ ବ୍ୟବସାୟୀ ସହଯୋଗୀଙ୍କ ଟ୍ରାନ୍ସପୋର୍ଟ ଅଫିସରେ ମଧ୍ୟ ରେଡ୍ ହୋଇଛି । କୋଇଲା ଟ୍ରାନ୍ସପୋର୍ଟର ଦସ୍ତାବିଜ ଯାଞ୍ଚ କରୁଛି ସ୍ବତନ୍ତ୍ର ଟିମ୍ । ନବଙ୍କ ପୁଅ ବିଶାଳ ଦାସଙ୍କ ବ୍ୟବସାୟିକ ସାମ୍ରାଜ୍ୟ ବାବଦରେ ଟିକନିକ ତଥ୍ୟ ହାସଲ କରିଛି ଆୟକର ବିଭାଗ । ବିଶାଳ ଦାସଙ୍କ ନାଁରେ ଭୂତ କମ୍ପାନି ରହିଛି କି ନାହିଁ ଆୟକର ବିଭାଗ ତାହାର ଯାଞ୍ଚ କରିଥିବା ସୂଚନା ମିଳିଛି।
ଖବର ଅନୁଯାୟୀ, ଗୁରୁବାର ଦିନ ଆୟକର ବିଭାଗ ପକ୍ଷରୁ ନବ ଦାସଙ୍କ ବାସଭବନ ସମେତ ବିଭିନ୍ନ ସ୍ଥାନରେ ଚଢାଉ ହୋଇଥିଲା । ଶୁକ୍ରବାର ବି ବିଭିନ୍ନ ସ୍ଥାନରେ ଚଢାଉ ଜାରି ରଖିଥିଲା ଆୟକର ବିଭାଗ । ଏହିକ୍ରମରେ ଶନିବାର ମଧ୍ୟ ବାସଭବନ ସମେତ ଅନେକ ସ୍ଥାନରେ ଚଢାଉ କରିଛି ଆୟକର ବିଭାଗ । ଯେଉଁଥିରେ ୧୨୦ରୁ ଅଧିକ ଆୟକର ଅଧିକାରୀ ସାମିଲ ଅଛନ୍ତି । ତେବେ ଚଢାଉ ହେଉଥିବା ସ୍ଥାନ ମଧ୍ୟରେ ଝାରସୁଗୁଡ଼ାରେ ୩ଟି, ସମ୍ବଲପୁରରେ ୪ଟି, ସୁନ୍ଦରଗଡ଼ରେ ୨ଟି ସହ ଭୁବନେଶ୍ୱର, ନୂଆଦିଲ୍ଲୀ ରହିଛି । ଚଢାଉ ସମୟରେ ଶୃଙ୍ଖଳା ଭଙ୍ଗ ଆଶଙ୍କାରେ ଅନେକ ସ୍ଥାନରେ ସିଆର୍ପିଏଫ୍ ଯବାନ ନିୟୋଜିତ ହୋଇଛନ୍ତି ।
Comments are closed.