ସୁକମା ଏନ୍‌କାଉଣ୍ଟରରେ , ୬ ମାଓବାଦୀ ଆହତ

ଛତିଶଗଡ଼ : ଛତିଶଗଡର ନକ୍ସଲ ପ୍ରଭାବିତ ସୁକମା ଜିଲ୍ଲାର ମୁହାଁମୁହିଁ ହୋଇଛନ୍ତି ସୁରକ୍ଷା କର୍ମୀ ଏବଂ ନକ୍ସଲ I ଡାବାମାର୍କା କ୍ୟାମ୍ପରେ ସୁରକ୍ଷା ବାହିନୀ ଏବଂ ନକ୍ସଲମାନଙ୍କ ମଧ୍ୟରେ ଏନକାଉଣ୍ଟର ହେବାର ଖବର ମିଳିଛି । ଏହି ଏନକାଉଣ୍ଟରରେ ୫ରୁ ୬ଜଣ ନକ୍ସଲ ଆହତ ହୋଇଥିବା ସୂଚନା ମିଳିଛି I ଏଥିସହ ବିପୁଳ ପରିମାଣରେ ବିସ୍ଫୋରକ ସାମଗ୍ରୀ ମଧ୍ୟ ଜବତ ହୋଇଥିବା ଜଣାପଡିଛି।

ଜାତୀୟ ଗଣମାଧ୍ୟମର ସୂଚନା ଅନୁଯାୟୀ, କୋବ୍ରା, ଏସଟିଏଫ୍, CRPFର ମିଳିତ ସୁରକ୍ଷା ବାହିନୀ ଗୁରୁବାର ଦିନ ସକାଳ ୬ ଟା ସମୟରେ ଡାବାମାର୍କ କ୍ୟାମ୍ପରୁ ନକ୍ସଲ ବିରୋଧୀ ଅପରେସନରେ ସାକଲର ଆଡକୁ ଯାଇଥିଲେ। ଏହି ଅପରେସନ୍ ସମୟରେ ସୁରକ୍ଷା ବାହିନୀ ସହିତ ନକ୍ସଲମାନଙ୍କ ମଧ୍ୟରେ ସମ୍ନାସାମ୍ନି ହମଲା ହୋଇଥିଲା । ସୁରକ୍ଷା ବାହିନୀ
ଗୁଳିରେ ୫ -୬ ନକ୍ସଲ ଆହତ ହୋଇଛନ୍ତି I ଏଥିସହ ନକ୍ସଲଙ୍କ କ୍ୟାମ୍ପରୁ ବିସ୍ଫୋରକ ସାମଗ୍ରୀ ସମେତ ବ୍ୟରେଲ ଗ୍ରେନେଡ୍ ଲଞ୍ଚର ଜବତ ହୋଇଛି I ମିଳିତ ସୁରକ୍ଷା ବାହିନୀର ଆକ୍ରମଣ ଫଳରେ ଆହତ ନକ୍ସଲମାନେ ଛତ୍ରଭଙ୍ଗ ଦେଇଛନ୍ତି I