କଣ୍ଟାବାଞ୍ଜି : ସ୍ତ୍ରୀ ଚାଲିଯିବା ପରର ଦୁଃଖ ସହିପାରିଲେ ନାହିଁ ସ୍ୱାମୀ । ସ୍ତ୍ରୀର ଚିତା ନ ଲିଭୁଣୁ ଆତ୍ମହତ୍ୟା କଲେ ସ୍ୱାମୀ I ସେ ନିଜ ଚାଷ ଜମିରେ ଏକ ଗଛରେ ଗାମୁଛା ଲଗାଇ ଝୁଲି ପଡିଛନ୍ତି I ଏଭଳି ଅଭବନୀୟ ଘଟଣା ଘଟିଛି କଣ୍ଟାବାଞ୍ଜି ଥାନା ଦାବରୀ ଗାଁରେ I
ଘଟନାନୁସାରେ,ଦାବରୀ ଗାଁର ୪୫ ବର୍ଷୀୟ ଗୋଧମ ମଲ୍ଲିକଙ୍କ ସ୍ତ୍ରୀ ଚନ୍ଦ୍ରକଳା ମଲ୍ଲିକ ଦୀର୍ଘଦିନ ହେବ କିଡ଼ନୀ ରୋଗରେ ଆକ୍ରାନ୍ତ ଥିଲେ । ସ୍ତ୍ରୀଙ୍କୁ ବଞ୍ଚାଇବା ପାଇଁ ଅନେକ ଚେଷ୍ଟା କରିଥିଲେ ଗୋଧମ । କିନ୍ତୁ ଶେଷରେ ରାତିରେ ସ୍ତ୍ରୀର ମୃତ୍ୟୁ ହେଲା ପରେ ପାହାନ୍ତିଆରେ ସ୍ୱାମୀ ମାନସିକ ଭାରସାମ୍ୟ ହରାଇ ନିକଟସ୍ଥ ଚାଷ ଜମିକୁ ଯାଇ ଏକ ଗଛରେ ଗାମୁଛା ଲଗାଇ ଆତ୍ମହତ୍ୟା କରିଥିବା ସୂଚନା ମିଳିଛି । କଣ୍ଟାବାଞ୍ଜି ପୋଲିସ ଘଟଣା ସ୍ଥଳରେ ପହଁଚି ତଦନ୍ତ ଆରମ୍ଭ କରିଛି । ତାଙ୍କର ଜଣେ ୧୪ ବର୍ଷର ନାବାଳିକା ଝିଅ ରହିଛନ୍ତି I ଗୋଟିଏ ପରିବାରରୁ ଦୁଇ ଦୁଇ ଜଣଙ୍କର ଏଭଳି ଅସମୟ ମୃତ୍ୟରେ କଣ୍ଟାବାଞ୍ଜି ଗାଁରେ ଶୋକର ଛାୟା ଖେଳି ଯାଇଛି I
Comments are closed.