ପଦ୍ମପୁର : ରଜରେ ଅଘଟଣ । କ୍ଷଣିକ କ୍ରୋଧରୁ ଜଣଙ୍କର ଜୀବନ ଯାଇଥିବା ବେଳେ ଆଉ ଜଣେ ଗୁରୁତର ହୋଇଛନ୍ତି । ପାରିବାରିକ କଳହରୁ ସ୍ତ୍ରୀକୁ ହାଣି ସ୍ୱାମୀ ଆତ୍ମହତ୍ୟା କରିଛନ୍ତି । ଏଭଳି ଏକ ଅଭାବନୀୟ ଘଟଣା ଘଟିଛି ରାୟଗଡ଼ା ଜିଲ୍ଲା ପଦ୍ମପୁର ଥାନା ଅନ୍ତର୍ଗତ ଭେଉଁରିଆ ଗାଁରେ । ମୃତକ ଜଣକ ହେଲେ ଶ୍ୟାମ ଭୋଇ । ନିଶାସକ୍ତ ଅବସ୍ଥାରେ ଗତକାଲି କୌଣସି କଥାକୁ ନେଇ ଶ୍ୟାମ ଭୋଇ ଏବଂ ସ୍ତ୍ରୀଙ୍କ ମଧ୍ୟରେ ପାଟି ତୁଣ୍ଡ ହୋଇଥିଲା । ଏଥିରେ ଉତ୍ୟକ୍ତ ହୋଇ ଶ୍ୟାମ ଏକ କୁରାଢ଼ୀ ଆଣି ସ୍ତ୍ରୀକୁ ଆକ୍ରମଣ କରିଥିଲା । ଗୁରୁତର ଅବସ୍ଥାରେ ଘର ଲୋକ ତାଙ୍କୁ ଉଦ୍ଧାର କରି ବୁର୍ଲା ମେଡିକାଲରେ ଭର୍ତ୍ତି କରିଥିଲେ । ସେପଟେ ସ୍ତ୍ରୀର ଚିକିତ୍ସା ଚାଲିଥିବାବେଳେ ଏପଟେ ଘରେ ଜୀବନ ହାରିଥିଲା ଶ୍ୟାମ ଭୋଇ । ପଦ୍ମପୁର ପୋଲିସ୍ ଖବର ପାଇ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ତଦନ୍ତ ଜାରି ରଖିଛି ।
Comments are closed.