ଟିଭି ଅଭିନେତ୍ରୀ ହିନା ଖାନ୍ କିଛିଦିନ ହେବ ନିଜ କ୍ୟାନ୍ସର ଟ୍ରିଟମେଣ୍ଟକୁ ନେଇ ଖୁବ ଚର୍ଚ୍ଚାରେ ରହୁଛନ୍ତି । ହେଲେ ଗତ କାଲି ହଠାତ୍ ହିନା ନିଜ ଫ୍ୟାନ୍ଙ୍କ ଏକ ସପ୍ରାଇଜ ଦେଇଛନ୍ତି, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ହଠାତ୍ ହିନା ସୋସିଆଲ ମିଡିଆରେ ବିବାହର ଫଟୋ ସେୟାର କରିଥିଲେ, ଯାହା ତାଙ୍କ ଫ୍ୟାନ୍ଙ୍କୁ ଚକିତ କରିଦେଇଥିଲା । ଏନେଇ କେଉଁଠି କିଛି ଖବର ନଥାଇ ହଠାତ୍ ଫଟୋ ଦେଖି ସେମାନେ ଖୁସି ହେବା ସହ ଆଶ୍ଚର୍ଯ୍ୟ ମଧ୍ୟ ହୋଇଛନ୍ତି । ହିନା ନିଜର ଅନେକ ଦିନର ପୁରୁଷ ବନ୍ଧୁ ରକି ଜାୟସଓ୍ୱାଲଙ୍କୁ ବିବାହ କରିଛନ୍ତି । ଏହି ବିବାହ ଖୁବ ଗୋପନତାରେ ଏବଂ ନିରାଡମ୍ବରରେ ହୋଇଛି । କେବଳ ନିଜ ପରିବାର ଓ କିଛି ବନ୍ଧୁଙ୍କ ଗହଣରେ ହିଁ ଏହି ବିବାହର ଆୟୋଜନ କରାଯାଇଥିଲା । ତେବେ ହିନାଙ୍କ ଲୁକକୁ ଦର୍ଶକ ଖୁବ ପ୍ରଶଂସା କରିବାରେ ଲାଗିଛନ୍ତି । ହିନାଙ୍କୁ ଏଥିରେ ହ୍ୱାଇଟ୍ ଲୁକ୍ରେ ଦେଖିବାକୁ ମିଳିଛି । ଫ୍ୟାନ୍ମାନେ ଏହାକୁ ଡ୍ରିମି ଓଡିଂର ଆଖ୍ୟା ଦେଇଛନ୍ତି । ହିନାଙ୍କ ଦେହ ଖରାପ ସମୟରେ ସବୁବେଳେ ରକିଙ୍କୁ ସବୁବେଳେ ହିନାଙ୍କ ସହିତ ଦେଖିବାକୁ ମିଳିଥାଏ । ରକି ତାଙ୍କର କେୟାର ନେଉଥିବାର ଅନେକ ଫଟୋ ଓ ଭିଡିଓ ଭାଇରାଲ ହୋଇଥାଏ । ହିନା ନିଜ ବିବାହରେ ମନୀଷ ମଲହୋତ୍ରାଙ୍କର ଡିଜାଇନର ଶାଢି ପିନ୍ଧିଛନ୍ତି । ସେହିଭଳି ହିନାଙ୍କର ଶାଢି ଏକ କଷ୍ଟମାଇଜ୍ଡି ଶାଢି ଯେଉଁଥିରେ ହିନା ଓ ରକିଙ୍କର ନାଁ ଲେଖାଯାଇଛି । ଏତେ ଦିନର କଷ୍ଟପରେ ହିନାଙ୍କ ଜୀବନରେ କିଛି ଭଲ ହୋଇଥିବାରୁ ତାଙ୍କ ଫ୍ୟାନ୍ମାନେ ଖୁବ ଖୁସି ଅଛନ୍ତି । ଉଭୟଙ୍କୁ ସେଲିବ୍ରିଟି ଓ ଫ୍ୟାନମାନେ ଶୁଭେଚ୍ଛା ଜଣାଉଥିବାର ଦେଖିବାକୁ ମିଳିଛି । ହିନା ଓ ରକିଙ୍କର ସାକ୍ଷାତ ରିସ୍ତା କ୍ୟା କେହଲାତା ହେର ସେଟ୍ରେ ହୋଇଥିଲା, ଯାହାପରେ ଉଭୟଙ୍କ ଭିତରେ ବନ୍ଧୁତା ହୋଇଥିଲା । ଏହି ବନ୍ଧୁତା ପରେ ପ୍ରେମର ରୁପ ନେଇଥିଲା ଏବଂ ବର୍ତ୍ତମାନ ଏହା ବିବାହର ରୁପ ନେଇଛି ।
Comments are closed.