କଟକ: ମଇ ୧୯: ପଶ୍ଚିମ ଓ ଦକ୍ଷିଣ ଓଡ଼ିଶାରେ ହାଇକୋର୍ଟ ବେଞ୍ଚ ଗଠନକୁ ବିରୋଧ । ହାଇକୋର୍ଟ ବାର ଆସୋସିଏସନ୍ ପକ୍ଷରୁ ପ୍ରସ୍ତାବ ପାରିତ ହୋଇଛି । ପ୍ରସଙ୍ଗରେ ମୁଖ୍ୟ ବିଚାରପତି ହାଇକୋର୍ଟ ବେଞ୍ଚ ଗଠନକୁ ନିଜର ସ୍ୱୀକୃତି ନଦେବାକୁ ଏକ ସ୍ମାରକପତ୍ର କମିଟି ଦ୍ୱାରା ପ୍ରସ୍ତୁତ ହେବ । ଏନେଇ ଗତକାଲି ହାଇକୋର୍ଟ ବାର୍ ସାଧାରଣ ପରିଷଦ ବୈଠକରେ ନିଷ୍ପତ୍ତି ନିଆଯାଇଛି । ହାଇକୋର୍ଟର ନୂଆ ବେଞ୍ଚ ଗଠନ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କେନ୍ଦ୍ର ଆଇନମନ୍ତ୍ରୀ କିରଣ ରିଜିଜୁଙ୍କ ଚିଠି ପରେ ପୁଣିଥରେ ହାଇକୋର୍ଟ ବେଞ୍ଚ ଗଠନ ନେଇ ଆଶା ସଂଚାର ହୋଇଥିଲା । ତେବେ ହାଇକୋର୍ଟ ବେଞ୍ଚ ପ୍ରସଙ୍ଗରେ ଏହି ପ୍ରସ୍ତାବ ପାରିତ ହେବା ପରେ ଦୀର୍ଘ ଦଶନ୍ଧୀ ଧରି ହାଇକୋର୍ଟ ବେଞ୍ଚ ପାଇଁ ଦାବି କରି ଆସୁଥିବା ସଂଗଠନଗୁଡିକୁ ଶକ୍ତ ଧMା ଲାଗିଛି । ପଶ୍ଚିମ ଓ ଦକ୍ଷିଣ ଓଡ଼ିଶାରେ ହାଇକୋର୍ଟ ବେଞ୍ଚ ଗଠନ ନେଇ ଦାବି ହୋଇ ଆସୁଛି । ତେବେ ଏହାର କଣ ରହିବ ନିଷ୍ପତ୍ତି ତାରି ଉପରେ ସମସ୍ତଙ୍କ ନଜର ରହିଛି ।
Comments are closed.