ଦିଲ୍ଲୀ : ଆଜି ନିର୍ବାଚନ ଆୟୋଗ କମିସନର୍ ରାଜୀବ କୁମାର ଗୁଜରାଟ ନିର୍ବାଚନର ତାରିଖ ଘୋଷଣା କରିଛନ୍ତି । ଆସନ୍ତା ଡିସେମ୍ବର ୧ ଓ ୫ ତାରିଖରେ ନିର୍ବାଚନ ହୋଇ ୮ ତାରିଖରେ ଫଳାଫଳ ଘୋଷଣା କରାଯିବ ବୋଲି ସେ ଜଣାଇଛନ୍ତି ।
ରାଜ୍ୟର ୧୮୨ଟି ବିଧାନସଭା ଆସନ ନିମନ୍ତେ ୫୧,୭୮୨ଟି ପୋଲ୍ ଷ୍ଟେସନ୍ ଗଠନ କରାଯିବ ବୋଲି ସୂଚନା ଦେଇଛନ୍ତି ନିର୍ବାଚନ ଆୟୋଗ । ସେଥିରୁ ୧,୨୭୪ଟି ପୋଲ୍ ଷ୍ଟେସନ୍ ସମ୍ପୂର୍ଣ୍ଣରୂପେ ମହିଳା ପୋଲିଂ ଓ ମହିଳା ନିରାପତ୍ତା କର୍ମଚାରୀମାନଙ୍କ ଦ୍ୱାରା ପରିଚାଳିତ ହେବ । ସେହିପରି, ୮୦ ବର୍ଷରୁ ଅଧିକ ବୟସର ଭୋଟର୍ମାନଙ୍କ ନିମନ୍ତେ ‘ହୋମ୍ ଭୋଟିଙ୍ଗ୍’ ସୁବିଧା କରାଯିବ ।
ଗିର୍ ସୋମନାଥ ଜିଲ୍ଲାରେ ସିଦ୍ଦିମାନଙ୍କ ସକାଶେ ପୋଲ୍ ଷ୍ଟେସନ୍ ବ୍ୟବସ୍ଥା କରାଯିବ । ଏନେଇ କମିସନର ରାଜୀବ କୁମାର କହିଛନ୍ତି ଯେ, ଗିର୍ ସୋମନାଥ ଜିଲ୍ଲାର ମଧୁପୁର ଜମ୍ବୁରରେ ସିଦ୍ଦିମାନଙ୍କ ପାଇଁ ପୋଲିଙ୍ଗ୍ ଷ୍ଟେସନ୍ ଗଠନ କରାଯିବ । ସିଦ୍ଦିମାନେ ହେଉଛନ୍ତି ୧୪ଶରୁ ୧୭ଶ ଶତାବ୍ଦୀ ମଧ୍ୟରେ ଭାରତକୁ ଆସି ବସବାସ କରୁଥିବା ପୂର୍ବ ଆଫ୍ରିକୀୟ ବଂଶୋଦ୍ଭବ । ସେମାନେ ମଧ୍ୟ ଆମର ଗୈରବାନ୍ୱିତ ଭୋଟରଦାତା ।
ଅନ୍ୟପଟରେ ନିର୍ବାଚନ ତାରିଖ ଘୋଷଣା ପରେ ରାଜ୍ୟର ବଡ଼ ଦୁଇ ରାଜନୈତିକ ଦଳ ସକ୍ରିୟ ହୋଇ ଉଠଇଛନ୍ତି । ଏନେଇ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ୍ ଖଡଗେ ଟୁଇଟ୍ କରି କହିଛନ୍ତି ଯେ, ଗୁଜରାଟର ୮ କୋଟି ଲୋକ ପରିବର୍ତ୍ତନ ପାଇଁ କେବଳ କଂଗ୍ରେସକୁ ବିକଳ୍ପ ଭାବେ ଚୟନ କରିଛନ୍ତି । ଏହାସହ ଦଳ ପକ୍ଷରୁ ଗୁଜରାଟ ବିଧାନସଭା ନିର୍ବାଚନ ପାଇଁ ଯେଉଁ ପ୍ରତିଶ୍ରୁତି ବା ସଂକଳ୍ପ ପତ୍ର ଜାରି କରାଯାଇଛି ତାହାର ସୂଚାନ ଦେଇଛନ୍ତି ଖଡଗେ ।
କଂଗ୍ରେସର ପ୍ରତିଶ୍ରୁତି ମୁତାବକ ଗୁଜରାଟରେ କ୍ଷମତାକୁ ଫେରିଲେ ଦଳ ଲୋକମାନଙ୍କୁ ୫ ଶହ ଟଙ୍କାରେ ଏଲପିଜି ସିଲିଣ୍ଡର ଗ୍ୟାସ ଯୋଗାଇ ଦେବ । ଏହାସହ ଦିଲ୍ଲୀ ଓ ପଞ୍ଜାବରେ ଆପ୍ ସରକାର ଭଳି ଗୁଜରାଟରେ ବି ୩୦୦ ୟୁନିଟ୍ ବିଜୁଳି ମାଗଣା ଦେବ । ସ୍ୱାସ୍ଥ୍ୟସେବା କ୍ଷେତ୍ରରେ, ପ୍ରତି ନାଗରିକଙ୍କୁ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ସ୍ୱାସ୍ଥ୍ୟସେବା ଯୋଗାଇ ଦେବାକୁ ସଂକଳ୍ପପତ୍ରରେ ଉଲ୍ଲେଖ କରିଛି କଂଗ୍ରେସ ।
ସେହିପରି ଚାଷୀଙ୍କୁ ୩ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଛାଡ, ଠିକା ନିଯୁକ୍ତିକୁ ସମାପ୍ତ , ବେରୋଜଗାରୀ ଯୁବକ ଯୁବତୀମାନଙ୍କୁ ମାସିକ ୩୦୦ ଟଙ୍କା ବେରୋଜଗାରୀ ଭତ୍ତା , ରାଜ୍ୟରେ ୩ ହଜାର ସରକାରୀ ଇଂରାଜୀ ମିଡିୟମ ସ୍କୁଲ ଗଠନ, ଦୁU ଚାଷୀମାନଙ୍କୁ ଲିଟର ପ୍ରତି ୫ ଟଙ୍କା ସବସିଡ୍ ଓ କରୋନା ସଂକ୍ରମଣରେ ରାଜ୍ୟରେ ମୃତ୍ୟୁବରଣ କରିଥିବା ୩ ଲକ୍ଷ ଲୋକଙ୍କ ପରିବାରକୁ ୪ ଲକ୍ଷ ଟଙ୍କା ଲେଖାଏଁ ସହାୟତା ଯୋଗାଇ ଦିଆଯିବ ବୋଲି କଂଗ୍ରେସ ପ୍ରତିଶ୍ରୁତି ଦେଇଛି ।
Comments are closed.