ଭୁବନେଶ୍ୱର : ଓଡିଶା ସହିତ ଗୁଡ୍ଡୁ ମୁସଲିମର ଲିଙ୍କ କୁ ନେଇ ଚର୍ଚ୍ଚା I ପ୍ରଥମେ ପୁରୀ ପରେ ବରଗଡ଼ ଲିଙ୍କ କୁ ନେଇ ଚର୍ଚ୍ଚା ଜୋର ଧରିଛି I ଏହି ମାମଲାରେ ଗୁଡ୍ଡୁ ମୁସଲିମର ଡ୍ରାଇଭର ସହିତ ଲିଙ୍କ ଥିବା ରାଜା ଖାଁକୁ ଉଠାଇ ନେଇଛି ଉତ୍ତରପ୍ରଦେଶର ଏସଟିଏଫ୍ ଟିମ୍ I ରାଜାର ଘର ଛତିଶଗଡ ମହାସମୁଦ ଜିଲ୍ଲାରେ । ବରଗଡ ସୋହେଲାରେ ରାଜାର ବ୍ୟବସାୟ ରହିଛି । ରାଜାଙ୍କ ପାଖରେ ଗୁଡୁ ମୁସଲିମର ଡ୍ରାଇଭର ଲୁଚି ରହିଥିବା ୟୁପିର ଏସ୍ଟିଏଫ୍ ଟିମ୍ ମୋବାଇଲ୍ ଟ୍ରାକିଂରୁ ଜାଣିପାରିଥିଲା। ମୋବାଇଲ୍ ଟ୍ରାକିଂରୁ ଉଭୟ ଲିଙ୍କ୍ରେ ଥିବା ସୂଚନା ମିଳିଛି । ଏ ନେଇ ସୂଚନା ଦେଲେ ଉତ୍ତରାଞ୍ଚଳ ଆଇଜି ଦୀପକ କୁମାର ।
ଏହି ଘଟଣାରେ ୟୁପିର ଏସଟିଏଫ ଟିମ୍ ବରଗଡ଼ ଆସିଥିବା ନେଇ ସ୍ପଷ୍ଟ ହୋଇଛି। ଏନେଇ ବରଗଡ଼ ଏସ୍ପି ପ୍ରହ୍ଲାଦ ସାହାଇ ମୀନା ସ୍ପଷ୍ଟ କରିଛନ୍ତି। ଏସ୍ପି କହିଛନ୍ତି, ଗୁଡ୍ଡୁ ମୁସଲିମ୍ ଲିଙ୍କ୍ରେ ୟୁପିର ଏସଟିଏଫ ଟିମ୍ ବରଗଡ଼ ଆସିଥିଲେ। ୫ ଜଣିଆ ଟିମ୍ ୧୮ ତାରିଖରେ ବରଗଡ଼ ଆସିଥିଲେ। ଦୁଇ ଦିନ ଯାଏ ବରଗଡ଼ରେ ରହି ଜଣେ ବ୍ୟକ୍ତିକୁ ଜେରା କରିଥିଲେ। ୧୮ ଓ ୧୯ ଦୁଇ ଦିନ ରହିବା ପରେ ଗତକାଲି ଏଠାରୁ ଯାଇଥିଲେ। ବରଗଡ଼ ଆସିବା ପରେ STF ଟିମ୍ ଆମକୁ ଅବଗତ କରିଥିଲେ’।
ଅନ୍ୟପକ୍ଷରେ ଗୁଡୁ ମୁସଲିମ ଘଟଣା ନେଇ ଡିଜି କ୍ୟାମ୍ପ ଅଫିସରେ ପୁଲିସ ଡିଜି ସୁନୀଲ ବଂଶଲ ଅଧ୍ୟକ୍ଷତାରେ ଜରୁରୀ ବୈଠକ ବସିଛି। ଏହି ବୈଠକରେ ଆଇନଶୃଙ୍ଖଳା ଏଡିଜିଙ୍କ ସହ ବରିଷ୍ଠ ଅଧିକାରୀ ଉପସ୍ଥିତ ଅଛନ୍ତି।
ସବୁଛାନାନୁସାରେ ମେଶ ପାଲ ହତ୍ୟାକାଣ୍ଡରେ ଜଡିତ ୧୦ଅଭିଯୁକ୍ତଙ୍କ ମଧ୍ୟରୁ ଗୁଡ୍ଡୁ ମୁସଲିମ ଅନ୍ୟତମ I ୬ ଜଣ ପ୍ରାଣ ହରାଇଥିବା ବେଳେ ଗୁଡୁ ମୁସଲିମ ସମେତ ଆଉ ୪ ଅଭିଯୁକ୍ତ ଏବେ ଫେରାର ଅଛନ୍ତି। ଗୁଡୁ ମୁସଲିମକୁ ପ୍ରଥମେ ପୁରୀରେ ଥିବାନେଇ ଚର୍ଚ୍ଚା ହେଉଥିଲା। କର୍ଣ୍ଣାଟକରୁ ପୁରୀକୁ ଚାଲିଆସି ସେ ଏଠାରେ ଆତ୍ମଗୋପନ କରିଥିଲା। ଗୋଇନ୍ଦା ରିପୋର୍ଟ ଆଧାରରେ ଉତ୍ତରପ୍ରଦେଶ ଏସ୍ଟିଏଫ୍ ଟିମ୍ ପୁରୀରେ ଆସି ଚଢ଼ଉ କରିବା ପୂର୍ବରୁ ସେ ଫେରାର ହୋଇଯାଇଥିବା ଜଣାପଡ଼ିଛି। ଗୁଡୁ ମୁସଲିମକୁ ଧରିବାକୁ ପୁଲିସ୍ ଏକାଧିକ ଟିମ ଗଠନ କରିଛି। ଏହାସହ ୫ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଛି।
Comments are closed.