ଭୁବନେଶ୍ୱର : ସୁଭଦ୍ରା ଯୋଜନା ନେଇ ଦିନକୁ ଦିନ ନୂଆ ନୂଆ ଅପଡେଟ୍ । ବଣ୍ଡା ଘାଟି ଯିବେ ସରକାରୀ ଅଧିକାରୀ । ବଣ୍ଡା ଘାଟିରେ ‘ସୁଭଦ୍ରା’ ଅପହଞ୍ଚ ନେଇ ଉପମୁଖ୍ୟମନ୍ତ୍ରୀ ସୂଚନା ଦେଇ କହିଛନ୍ତି, ୧୭୧୧ ମହିଳାଙ୍କ ମଧ୍ୟରୁ ୫ ଶହରୁ ଅଧିକ ଟଙ୍କା ପାଇ ସାରିଛନ୍ତି । ଆବେଦନ ସମସ୍ୟା ନେଇ ଅନ୍ୟମାନେ ପାଇବା ବିଳମ୍ବ ହୋଇଛି । ସରକାରୀ ଅଧିକାରୀ ବଣ୍ଡାଘାଟି ଯାଇ ଲୋକଙ୍କ ପାଖରେ ପହଞ୍ଚିବେ । ଯାହା ସମସ୍ୟା ରହିଛି, ତାହାକୁ ସରକାରୀ ଅଧିକାରୀ ଦୂର କରିବେ । ମାର୍ଚ୍ଚ ୭ ତାରିଖ ସୁଭଦ୍ରା ଯୋଜନା ଆବେଦନର ଡେଡଲାଇନ ବୋଲି ଘୋଷଣା କରିଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା । ତେବେ କୌଣସି ଯୋଗ୍ୟ ହିତାଧିକାରୀ ଯେଭଳି ଭାବେ ଯୋଜନାରୁ ବାଦ ପଡିବେ ନାହିଁ ସେନେଇ ସରକାର ଚେଷ୍ଟା ଜାରି ରଖିଛନ୍ତି ।
ସରକାରୀ ଅଧିକାରୀ ବଣ୍ଡା ଘାଟି ଯିବା ନେଇ ମନ୍ତ୍ରୀ କହିଛନ୍ତି, କାହିଁକି ବଣ୍ଡାଘାଟିରେ ବର୍ତ୍ତମାନ ସୁଦ୍ଧା ସମସ୍ତ ସୁଭଦ୍ରା ଯୋଜନାର ଫାଇଦା ଉଠାଇନାହାନ୍ତି ସେନେଇ ସରକାରୀ ଅଧିକାରୀ ବଣ୍ଡାଘାଟି ଯାଇ ଲୋକଙ୍କ ପାଖରେ ପହଞ୍ଚିବେ ସମସ୍ୟାର ସମାଧାନ କରିବେ ।
ସୂଚନାନୁସାରେ, ୨୦୨୫ ମସିହା ମାର୍ଚ୍ଚ ୭ ତାରିଖ ସୁଭଦ୍ରା ଯୋଜନା ଆବେଦନର ଶେଷ ତାରିଖ ରହିଛି । ବର୍ତ୍ତମାନ ସୁଦ୍ଧା ୮୦ ଲକ୍ଷ ୪୬ ହିତାଧିକାରୀଙ୍କୁ ବର୍ତ୍ତମାନ ସୁଦ୍ଧା ସୁଭଦ୍ରା ଟଙ୍କା ମିଳିସାରିଛି । ୧ କୋଟି ୪୬ ଲକ୍ଷ ମହିଳା ବର୍ତ୍ତମାନ ସୁଦ୍ଧା ସୁଭଦ୍ରା ଯୋଜନାରେ ପଞ୍ଜିକରଣ କରିଛନ୍ତି । ମାର୍ଚ୍ଚ ୮ ତାରିଖ ମହିଳା ଦିବସରେ ଦ୍ବିତୀୟ ପର୍ଯ୍ୟାୟ ସୁଭଦ୍ରା ଟଙ୍କା ମିଳିବ ।
Comments are closed.