ନୂଆଦିଲ୍ଲୀ : ନୂଆ ସମ୍ବିଧାନ ସଂଶୋଧନ ବିଲକୁ ନେଇ ସଂସଦରେ ବିରୋଧୀଙ୍କ ହଙ୍ଗାମା । ୧୩୦ତମ ସମ୍ବିଧାନ ସଂଶୋଧନ ବିଲ୍କୁ ବିରୋଧ କରିଛନ୍ତି ବିରୋଧୀ I ଆଜି ସଂସଦରେ ତିନୋଟି ବିଲ୍ କୁ ଉପସ୍ଥାପନ କରିଥିଲେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ମାତ୍ର ଏହାକୁ ବିରୋଧ କରି ବିରୋଧୀ ଦଳ ବିଲ କୁ ଚିରି ଦେବା ସହ କେନ୍ଦ୍ରମନ୍ତ୍ରୀଙ୍କ ଉପରକୁ ଫୋପାଡ଼ି ଥିବା ଦେଖାଯାଇଥିଲା । ଏହାକୁ ନେଇ କେନ୍ଦ୍ରମନ୍ତ୍ରୀ କହିଛନ୍ତି ବିରୋଧୀ ଏହି ବିଲ୍କୁ ବିରୋଧ କରି ଗଣତନ୍ତ୍ରର ମର୍ଯ୍ୟାଦାକୁ ଆଘାତ ଦେଉଛନ୍ତି। ଜନସାଧାରଣ କହିବା ଉଚିତ ଯେ କୌଣସି ମୁଖ୍ୟମନ୍ତ୍ରୀ, ପ୍ରଧାନମନ୍ତ୍ରୀ କିମ୍ବା ମନ୍ତ୍ରୀ ଜେଲ୍ରୁ ସରକାର ଚଳାଇପାରିବେ କି ନାହିଁ। ବିରୋଧୀଙ୍କୁ ତାତ୍ସଲ୍ୟ କରି କହିଛନ୍ତି ଯେ ସେ ଜେଲ୍ରୁ ସରକାର ଚଳାଇବାର ବିକଳ୍ପ ପାଇବାକୁ ଚାହାଁନ୍ତି।
ସ୍ୱରାଷ୍ଟ୍ର ମନ୍ତ୍ରୀ ସ୍ପଷ୍ଟ ଭାବରେ କହିଛନ୍ତି ଯେ ଗଣତନ୍ତ୍ରର ମର୍ଯ୍ୟାଦା ପାଇଁ ଏହି ବିଲ୍ର ବ୍ୟବସ୍ଥା ଆବଶ୍ୟକ। ତାଙ୍କ ଅନୁସାରେ, ଯଦି କୌଣସି ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ କିମ୍ବା ମନ୍ତ୍ରୀ ଗୁରୁତର ଅଭିଯୋଗରେ ଗିରଫ ହୁଅନ୍ତି ଏବଂ ୩୦ ଦିନ ମଧ୍ୟରେ ଜାମିନ ନ ପାଆନ୍ତି, ତେବେ ତାଙ୍କୁ ପଦ ଛାଡିବାକୁ ପଡିବ। ଯଦି ସେମାନଙ୍କୁ ଜାମିନ ମିଳେ, ତେବେ ସେମାନେ ପୁଣି ଥରେ ଶପଥ ନେଇପାରିବେ ଏବଂ କାର୍ଯ୍ୟଭାର ଗ୍ରହଣ କରିପାରିବେ, କିନ୍ତୁ ଗଣତନ୍ତ୍ର ପାଇଁ ଜେଲରୁ ସରକାର ଚଳାଇବା କ’ଣ ଠିକ୍?”ବିରୋଧୀ ଚେଷ୍ଟା କରୁଛନ୍ତି, ଯଦି ସେମାନେ କେବେ ଜେଲ୍ ଯାଆନ୍ତି ତେବେ ଜେଲରୁ ସହଜରେ ସରକାର ଗଠନ କରିପାରିବେ । ସେମାନେ ଜେଲକୁ ପିଏମ୍-ସିଏମ୍ ହାଉସ୍ କରିଦେବେ । ଡିଜିପି, ମୁଖ୍ୟ ଶାସନ ସଚିବ, କ୍ୟାବିନେଟ୍ ସଚିବ କିମ୍ବା ଗୃହ ସଚିବ ଜେଲରୁ ହିଁ ଆଦେଶ ଦେବେ । ଏମିତି ହୋଇପାରିବ ନାହିଁ । ଜେଲ୍ରୁ ସରକାର ଚାଲିପାରିବ ନାହିଁ ବୋଲି ସେ କହିଛନ୍ତି । କୌଣସି ନେତା ୩୦ ଦିନ ଜେଲରେ ରହିଲେ ନିଜ ପଦ ଛାଡ଼ିବା ଉଚିତ।
୧୩୦ତମ ସମ୍ବିଧାନ ସଂଶୋଧନ ବିଲ୍, ଉପରାଷ୍ଟ୍ରପତି ନିର୍ବାଚନ ଓ ବିରୋଧୀଙ୍କ ଅଭିଯୋଗକୁ ନେଇ ନ୍ୟୁଜ୍ ଏଜେନ୍ସି ଏଏନଆଇକୁ ସାକ୍ଷାତକାର ଦେଇ ଏହା କହିଛନ୍ତି । ସେହିପରି ଅମିତ ଶାହ ଏହି ଇଣ୍ଟରଭ୍ୟୁରେ ଜଗଦୀପ ଧନଖଡ଼ଙ୍କ ଇସ୍ତଫା କଥା ମଧ୍ୟ କହିଛନ୍ତି । ଜଗଦୀପ ଧନଖଡ଼ ଗୋଟିଏ ସାମ୍ବିଧାନିକ ପଦରେ ଥିଲେ । ତାଙ୍କ କାର୍ଯ୍ୟକାଳ ଭିତରେ ସେ ବହୁତ ଭଲ କାମ କରିଥିଲେ । ତେବେ ତାଙ୍କ ବ୍ୟକ୍ତିଗତ ସ୍ୱାସ୍ଥ୍ୟ ସମସ୍ୟା ପାଇଁ ସେ ଇସ୍ତଫା ଦେଇଛନ୍ତି ବୋଲି ସେ କହିଛନ୍ତି ।
ଶାହ ଏହି ଇଣ୍ଟରଭ୍ୟୁରେ ବିରୋଧୀଙ୍କୁ ମଧ୍ୟ ଛାଡ଼ିନାହାଁନ୍ତି । ମନମୋହନ ସରକାର ବେଳେ ଲାଲୁ ଯାଦବଙ୍କୁ ବଞ୍ଚେଇବାକୁ ଅଧ୍ୟାଦେଶ ଅଣାଯାଇଥିଲା । ହେଲେ ରାହୁଲ ଗାନ୍ଧୀ କିନ୍ତୁ ତାକୁ ଚିରି ଦେଇଥିଲେ । ହେଲେ ଏବେ କିନ୍ତୁ ସେ ନୈତିକତାର କଥା କହୁଛନ୍ତି । ପୂର୍ବରୁ ଯେଉଁ ଅଧ୍ୟାଦେଶକୁ ସେ ବକବାସ୍ କହିଥିଲେ, ଏବେ ତାଙ୍କରି ସହ ମିଶି ସରକାର ଗଢ଼ିବାକୁ କଂଗ୍ରେସ ଚେଷ୍ଟା କରୁଛି ବୋଲି କହିବା ସହ, ରାହୁଲଙ୍କୁ ଟାର୍ଗେଟ୍ କରିଛନ୍ତି ।
