ସୁନ୍ଦରଗଡ଼ : ଲୁଟ ପାଇଁ ଆସି ଗର୍ଭବତୀ ମହିଳାଙ୍କୁ ଗୁଳି କରି ହତ୍ୟା ଘଟଣାରେ ୪ ଅଟକ । ମହିଳାଙ୍କ ସ୍ୱାମୀ ଏବଂ ଜଣେ ପୋଲିସ କର୍ମଚାରୀଙ୍କ ସହ ଗ୍ରାମର ୨ ଜଣ ଯୁବକଙ୍କୁ ଅଟକ ରଖି ପଚରା ଉଚରା କରୁଛି ପୋଲିସ । ବୁଧୁବାର ରାତିରେ ସୁନ୍ଦରଗଡ ଜିଲ୍ଲା ଟିକାୟତପାଲି ଥାନା ଅନ୍ତର୍ଗତ ଝିର୍ଡପାଲୀ ଗ୍ରାମରେ ଏଭଳି ଘଟଣା ଘଟିଥିଲା । ମୃତ ମହିଳା ହେଲେ ସୌମ୍ୟାମୟୀ ବେହେରା । ସ୍ୱାମୀ ଦେବେନ ବେହେରା ।
ସୂଚନାନୁସାରେ, ବୁଧୁବାର ବିଳମ୍ବିତ ରାତିରେ ସୁନ୍ଦରଗଡ଼ ବଣାଇ ଟିକାୟତପାଲି ଥାନା ଝିର୍ଡାପାଲି ଗାଁର ଦେବେନ ବେହେରାଙ୍କ ଘରକୁ କିଛି ଅଜଣା ବ୍ୟକ୍ତି ଆସି କବାଟ ବାଡେଇଥିଲେ । ଏହି ସମୟରେ ଦେବେନଙ୍କ ୭ ମାସର ଗର୍ଭବତୀ ପତ୍ନୀ ଘରର କବାଟ ଖୋଲିଥିଲେ । ତେବେ ଅଜଣା ବ୍ୟକ୍ତିମାନେ ତାଙ୍କ ବେକରୁ ସୁନା ଚେନ ସମେତ ମଙ୍ଗଳସୂତ୍ର ଟାଣି ନେଇଥିଲେ,ଏହାକୁ ପ୍ରତିରୋଧ କରିବାରୁ ତାଙ୍କ ଉପରକୁ ଅତି ନକଟରୁ ଗୁଳି ଚଳାଇ ଫେରାର ହୋଇଯାଇଥିଲେ ଦୁର୍ବୁତ୍ତ । ପରିବାର ଲୋକେ ତାଙ୍କୁ ତୁରନ୍ତ ବଣେଇ ଉପଖଣ୍ଡ ଚିକିତ୍ସାଳୟକୁ ଆଣି ଥିବା ବେଳେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ମାତ୍ର ବର୍ଷକ ତଳେ ଦେବେନ ଙ୍କ ସହିତ ବିବାହ କରିଥିଲେ ସୌମ୍ୟାମୟୀ ।
ଏନେଇ ମାମଲା ରୁଜୁ ହେବା ପରେ ଟିକାୟତପାଲି ଥାନା ପୋଲିସ ଘଟଣାର ତଦନ୍ତ ଆରମ୍ଭ କରିଥିଲା । ତଦନ୍ତ କରି ମୃତ ମହିଳାଙ୍କ ସ୍ୱାମୀ ଏବଂ ଜଣେ ପୋଲିସ କର୍ମଚାରୀଙ୍କ ସମେତ ଗାଁର ଆଉ ଦୁଇ ଜଣ ଯୁବକଙ୍କୁ ଅଟକ ରଖିଛି ପୋଲିସ । ସେମାନଙ୍କୁ ପଚରା ଉଚରା କରି ଘଟଣାର ଅଧିକ ତଦନ୍ତ ଚଳାଇଛି ପୋଲିସ ।
Comments are closed.