ଲସ୍ ଆଞ୍ଜେଲସରେ ଲାଗିଥିବା ଜଙ୍ଗଲ ନିଆଁକୁ ନିୟନ୍ତ୍ରଣ କରିବା ପାଇଁ ଇରାନ ଆମେରିକାକୁ ସହାୟତାର ହାତ ବଢାଇଛି । ଇରାନର ରେଡ କ୍ରେସେଂଟ ସୋସାଇଟି ଦ୍ୱାରା ସହାୟତା ପ୍ରଦାନ କରିବାକୁ କୁହାଯାଇଛି । ଆଇଆରସିଟିସି ହେଡ ପିରହୁସେନ କୋଲିଭାନ୍ଦ ଆମେରିକୀୟ ରେଡକ୍ରସର ସିଇଓ କ୍ଲିଫ ହୋଲଜଙ୍କୁ ଏକ ବାର୍ତା ପଠାଇଛନ୍ତି । ଅଗ୍ନିକାଣ୍ଡରେ ହୋଇଥିବା କ୍ଷୟକ୍ଷତି ନେଇ ସେ ଦୁଃଖ ପ୍ରକାଶ କରିବା ସହ ଏହାକୁ ବଡ ଦୁଋଖ ଘଟଣା ବୋଲି କହିଛନ୍ତି । ସେ କହିଛନ୍ତି ଯେ, ଏହି ବିପଯ୍ୟୟରେ ଆମେରିକାକୁ ସମସ୍ତ ସମ୍ଭାବ୍ୟ ସହାୟତା ଯୋଗାଇବାକୁ ଆମେ ପ୍ରସ୍ତୁତ । ଦୀର୍ଘ ଦିନ ଧରି ୨ ଦେଶ ମଧ୍ୟରେ ତିକ୍ତତା ଲାଗି ରହିଥିଲା । ଅଗ୍ନିକାଣ୍ଡ ଦେଖି ଇରାନ ନିଜର ଶତ୍ରୁତାକୁ ଭୁଲି ଏବେ ସହାୟତାର ହାତ ବଢାଇଛି ।
ଜିନହୁଆ ନୁ୍ୟଜ ଏଜେନ୍ସିର ରିପୋର୍ଟ ଅନୁସାରେ, କୋଲିଭାନ୍ଦ ହୋଟେଜଙ୍କୁ ଦେଇଥିବା ବାର୍ତାରେ କହିଛନ୍ତି ଯେ ମୁଁ ଇରାନ ରେଡକ୍ରସ ସୋସାଇଟି ତରଫରୁ ଆପଣଙ୍କୁ ନିଶ୍ଚିତ କରୁଛି ଯେ ଏହି କଷ୍ଟ ସମୟରେ ଆପଣ ଏକା ନୁହନ୍ତି । ଆମେ ଆପଣଙ୍କୁ ସାହାଯ୍ୟ କରିବାକୁ ଚାହୁଁଛୁ । ଆମର ଆଇଆରସିଏସ ତୁରନ୍ତ ଏହାର ବିଶେଷ ଦ୍ରୁତ ପ୍ରତିକ୍ରିୟା ଦଳ, ଉଦ୍ଧାର ଉପକରଣ ଏବଂ ତାଲିମପ୍ରାପ୍ତ କର୍ମଚାରୀଙ୍କୁ ଆମେରିକା ପଠାଅବାକୁ ପ୍ରସ୍ତୁତ । ମୁଁ ମଧ୍ୟ୍ୟ ଆପଣଙ୍କୁ କହିବାକୁ ଚାହେଁ ଯେ, ପ୍ରାକୃତିକ ଏବଂ ମନୁଷ୍ୟକୃତ ବିପଯ୍ୟୟର ମୁକାବିଲା କରିବାରେ ଆମର ଦୀର୍ଘ ଅଭିଜ୍ଞତା ଅଛି । ଆମେ ଆପଣଙ୍କ ଉତରକୁ ଅପେକ୍ଷା କରିଛୁ । ଯାହା ଦ୍ୱାରା ଆବଶ୍ୟକ ପରବର୍ତୀ ଆଲୋଚନା ହୋଇପାରିବ ଏବଂ ସମନ୍ୱୟ ରକ୍ଷା କରାଯାଇପାରିବ ।
କୋଲିଭାନ୍ଦ କହିଛନ୍ତି ଯେ, ଏହି ଅଗ୍ନିକାଣ୍ଡ ଆମେରିକାର ଏକ ବଡ ଅଂଚଳକୁ ନଷ୍ଟ କରି ଦେଇଛି । ଏକ ସୁନ୍ଦର ପ୍ରାକୃତିକ କ୍ଷେତ୍ର ପାଉଁଶ ହୋଇଯାଇଛି । ଏହି ବିପଯ୍ୟରେ ହଜାର ହଜାର ଘର ଓ ଅନେକ ପ୍ରାଣ ହରାଇଛନ୍ତି । ଏହି ଅ୍ଗନିକାଣ୍ଡରୁ ବହୁ ସଂଖ୍ୟକ ଲୋକଙ୍କ ଜୀବନ ବିପଦରେ ରହିଛି । ଏହା କେବଳ ଆମେରିକାର ସଙ୍କଟ ନୁହେଁ । ଏହା ଏକ ବିପଯ୍ୟୟ ଯାହା ସମଗ୍ର ବିଶ୍ୱକୁ ଥରାଇ ଦେଇଛି । ଦୁନିଆର ସମସ୍ତ ଦାୟିତ୍ୱବାନ ଏବଂ ଦୟାଳୁ ବ୍ୟକ୍ତି ଏହା ଦ୍ୱାରା ଆଘାତ ପାଇଛନ୍ତି । ଆମେରିକାରେ ନିଆଁକୁ ନିୟନ୍ତ୍ରଣ କରିବା ପାଇଁ ସାହାଯ୍ୟ ଆବଶ୍ୟକ, ବିଶ୍ୱର ଦେଶମାନେ ଏଥିପାଇଂ ଆଗକି ଆସିବା ଉଚିତ । ସୂଚନା ଅନୁସାରେ, ଗତ ୫ ଦିନ ହେଲା ଆମେରିକାର କାଲିଫର୍ନିଆର ଲସ୍ ଆଞ୍ଜେଲସରେ ଅଗ୍ନିକାଣ୍ଡ ଘଟିଛି । ଶୁକ୍ରବାର ସୁଦ୍ଧା ଏହି ଅଗ୍ନିକାଣ୍ଡରେ ଲକ୍ଷାଧିକ କୋଠା ନଷ୍ଟ ହୋଇଯାଇଛି ।
Comments are closed.