ବ୍ରହ୍ମପୁର : ଭିଜିଲାନ୍ସ ଜାଲରେ ପୋଲିସ କର୍ମଚାରୀ । ୧୦ ହଜାର ଟଙ୍କା ଲାଞ୍ଚ ନେଇ ଭିଜିଲାନ୍ସ ହାତରେ ଧରା ପଡିଛନ୍ତି ବ୍ରହ୍ମପୁର ଥାନା ମହିଳା ଏଏସଆଇ ବବିତା ସୁନା । ଏକ ଛାଡପତ୍ର ମାମଲାର ରଫାଦଫା କରିବା ପାଇଁ ୨୫ ହଜାର ଟଙ୍କା ଦାବି କରିଥିବାବେଳେ ୧୦ ହଜାର ଟଙ୍କାରେ କଥା ଛିଣ୍ଡିଥିଲା । ଏନେଇ ଅଭିଯୁକ୍ତ ଭିଜିଲାନ୍ସର ଦ୍ୱାରସ୍ଥ ହୋଇଥିଲେ । ପୂର୍ବ ଯୋଜନା ମୁତାବକ ଆଜି ଥାନା ପରିସରରେ ଲାଞ୍ଚ ନେଉଥିବାବେଳେ ୧୦ ହାଜର ଟଙ୍କା ସହ ଭିଜିଲାନ୍ସ ହାତରେ ଧରାପଡ଼ିଛନ୍ତି ବବିତା । ଭିଜିଲାନ୍ସ ପକ୍ଷରୁ ଏଏସଆଇଙ୍କ କାର୍ଯ୍ୟାଳୟ ସମେତ ସରକାରୀ ବାସଭବନରେ ଚଢ଼ାଉ ଜାରି ରହିଛି ।
ସୂଚନାନୁସାରେ,ମହିଳା ଥାନା ଏଏସ୍ଆଇ ବବିତା ସୁନାଙ୍କର ଗତ ଏପ୍ରିଲ ମାସରେ ଅନ୍ୟ ଏକ ପୋଲିସ ଥାନାକୁ ବଦଳି ହୋଇଥିଲା । କିନ୍ତୁ ସେ ବଦଳି ହୋଇଥିବା ଥାନାକୁ ଯାଇନଥିଲେ । ବରଂ ସେହି ଥାନାରେ ହିଁ ରହିଥିଲେ । ପରବର୍ତ୍ତୀ ସମୟରେ ତାଙ୍କ ବଦଳିକୁ ଗତ ୨୨ ତାରିଖରେ ଅନ୍ୟ ଏକ ନିର୍ଦ୍ଦେଶନାମାରେ ବାତିଲ କରାଯାଇଥିବା ସୂଚନା ମିଳିଛି ।
Comments are closed.