ଶ୍ରୀନଗର : ଜମ୍ମୁ କାଶ୍ମୀରର ବାରାମୁଲ୍ଲା ଜିଲ୍ଲାରେ ସୀମା ସୁରକ୍ଷା ବାହିନୀ ଓ ଆତଙ୍କବାଦୀଂକ ସହିତ ମୁହାଁମୁହିଁ ଏନକାଉଣ୍ଟରରେ ୨ ଆତଙ୍କବାଦୀ ନିପାତ ହୋଇଛନ୍ତି । ଘଟଣାସ୍ଥଳରୁ ଗୋଟାଏ ଏ.କେ. ୪୭ ରାଇଫଲ ଓ ଗୋଟିଏ ପିସ୍ତଲ ସମେତ ଅନ୍ୟାନ୍ୟ ଅସ୍ତ୍ରଶସ୍ତ୍ର ଓ ଗୋଳାବାରୁଦ ଉଦ୍ଧାର କରାଯାଇଛି Iଗତ ୨୪ ଘଣ୍ଟା ମଧ୍ୟରେ ଏହା ହେଉଛି ଦ୍ୱିତୀୟ ଏନକାଉଣ୍ଟର I ଆତଙ୍କବାଦୀମାନେ ଏକ ବଡ଼ ଆକ୍ରମଣ ପାଇଁ ପ୍ରସ୍ତୁତ ହେଉଥିବା ଗୁଇନ୍ଦା ସୂଚନା ପାଇ ସୁରକ୍ଷା ବାହିନୀ ଏହି ଅପରେଶନ ଆରମ୍ଭ କରିଥିଲେ। ଏବେ ଏହି ଅଂଚଳରେ ସର୍ଚ୍ଚ ଅପରେଶନ ଜାରି ରହିଛି । ଏହାସହ ସମଗ୍ର ଅଞ୍ଚଳରେ ହାଇଆଲର୍ଟ ଜାରି କରାଯାଇଛି I
ପୋଲିସର ସୂଚନାନୁସାରେ, ବାରାମୁଲ୍ଲା ଜିଲ୍ଲାର ୱାନିଗାମ ଗ୍ରାମ କ୍ରେରି ଅଞ୍ଚଳରେ ଦୁଇଜଣ ଆତଙ୍କବାଦୀ ଏକ ବଡ଼ ଧରଣର ଆକ୍ରମଣ ଗୁଇନ୍ଦା ସୂଚନା ପାଇବା ପରେ ସୁରକ୍ଷା ବାହିନୀ ପକ୍ଷରୁ ଅତର୍କିତ ଆକ୍ରମଣ କରାଯାଇଥିଲା I ଏଥିରେ ୨ଜଣ ଆତଙ୍କ ବାଦୀ ନିହତ ହୋଇଥିଲେ।
ପୋଲିସର ଅତିରିକ୍ତ ମହାନିର୍ଦ୍ଦେଶକ ବିଜୟ କୁମାର କହିଛନ୍ତି ଯେ ଉଭୟ ଆତଙ୍କବାଦୀ ଲଶକର-ଏ-ତଇବା ସଂଗଠନର ଅନ୍ତର୍ଭୁକ୍ତ I ଏକ ମାସ ପୂର୍ବରୁ ଏମାନେ ଆତଙ୍କବାଦୀ ଗୋଷ୍ଠୀରେ ଯୋଗ ଦେଇଥିଲେ।
Comments are closed.