ନୂଆଦିଲ୍ଲୀ: ଜୁନ ୨୫: ଦ୍ରୌପଦୀଙ୍କୁ ସମର୍ଥନ ଜଣାଇଲେ ମାୟାବତୀ । ଆଗାମୀ ରାଷ୍ଟ୍ରପତି ନିର୍ବାଚନରେ ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ମାୟାବତୀଙ୍କ ସମର୍ଥନ ନେଇ ସମାଜବାଦୀ ପାର୍ଟି କହିଛି । ଏନେଇ ଆଜି ମାୟାବତୀ ଘୋଷଣା କରିଛନ୍ତି । ସେ ସିଧାସଳଖ ଦ୍ରୌପଦୀଙ୍କୁ ସମର୍ଥନ କରିବେ କହିଛନ୍ତି । ବିଜେପି କିମ୍ବା ଏନଡିଏକୁ ନୁହେଁ ଦଳର ଆଭିମୁଖ୍ୟ ପାଇଁ ସମର୍ଥନ କରୁଥିବା ଘୋଷଣା କରିଛନ୍ତି ମାୟାବତୀ । ତେବେ ଏହାପୂର୍ବରୁ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦ୍ରୌପଦୀଙ୍କୁ ଓଡ଼ିଆ ଝିଅ ବୋଲି କହି ସମର୍ଥନ ଜଣାଇଛନ୍ତି । ଏମିତି ଦଳ ମତ ନିର୍ବିଶେଷରେ ଦ୍ରୌପଦୀଙ୍କୁ ସମସ୍ତ ବିଧାୟକ ସମର୍ଥନ କର;ୁ ବୋଲି ଅପିଲ କରିଥିଲେ । ଅନ୍ୟପଟେ ଗତକାଲି ଦେଶର ସର୍ବୋଚ୍ଚ ପଦବୀ ରାଷ୍ଟ୍ରପତି ପଦ ପାଇଁ ନାମାଙ୍କନ ଭରିଛନ୍ତି ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁ । ରାଇରଙ୍ଗପୁରରୁ ରାଇସିନା ହିଲ୍ସ ଯିବା ପାଇଁ ପ୍ରସ୍ତୁତ ହେଉଛନ୍ତି ଦ୍ରୌପଦୀ ମୁର୍ମୁ । ସଂସଦ ଭବନରେ ନିଜ ସମର୍ଥକଙ୍କ ସହ ପହଞ୍ଚିଥିଲେ ଦ୍ରୌପଦୀ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଗୃହ ମନ୍ତ୍ରୀ ଅମିତ ଶାହା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, କେନ୍ଦ୍ର ସଡକ ପରହିବନ ମନ୍ତ୍ରୀ ନୀତିନ ଗଡ଼କରି ପ୍ରମୁଖ ଉପସ୍ଥିତ ଥିଲେ ଏହି କାର୍ଯ୍ୟକ୍ରମରେ । ଏହାଛଡା ବିଜେପିର ରାଷ୍ଟ୍ରୀୟ ସଭାପତି ଜେପି ନzା, ବିଜେପି ଶାସିତ ରାଜ୍ୟଗୁଡିକର ମୁଖ୍ୟମନ୍ତ୍ରୀ ଓ ଅନ୍ୟ ଦଳର ସାଂସଦ ଓ ମନ୍ତ୍ରୀମାନେ ମଧ୍ୟ ସାମିଲ ହୋଇଥିଲେ । ସେପଟେ ଦ୍ରୌପଦୀଙ୍କ ନାମାଙ୍କନ ପତ୍ରରେ ବିଜେଡି, କଂଗ୍ରେସ, ଜେଡିୟୁ, ଏଆଇଡିଏମକେ ଭଳି ଦଳର ନେତାମାନେ ପ୍ରସ୍ତାବକ ରହିଛନ୍ତି । ଦ୍ରୌପଦୀ ଓଡ଼ିଶାର ଜନଜାତି ଝିଅ ହୋଇଥିବାରୁ ରାଜ୍ୟ ବିଜେପିର ବିଧାୟକମାନେ ଓ ବିଜେଡି ସରକାରଙ୍କ ଦୁଇ କ୍ୟାବିନେଟ୍ ମନ୍ତ୍ରୀ ମଧ୍ୟ ଉପସ୍ଥି ଥିଲେ । ସେପଟେ ଦ୍ରୌପଦୀ ଏନଡିଏର ରାଷ୍ଟ୍ରପତି ପ୍ରାର୍ଥୀ ହେବା ପରେ ତାଙ୍କ ପ୍ରତି ସମର୍ଥନ ବଢିବାରେ ଲାଗିଛି । ବିଜେଡି ପାଖରେ ୨.୮୫ ପ୍ରତିଶତ, ୱାଇଏସ୍ଆର୍ କଂଗ୍ରେସ ପାଖରେ ୪ ପ୍ରତିଶତ ଭୋଟ ରହିଛି । ଏନଡିଏର ଭୋଟ ସହ ଏହି ଦୁଇ ଦଳର ଭୋଟ ମିଶାଇଲେ ଦ୍ରୌପଦୀଙ୍କ ସପକ୍ଷରେ ୫୫ ଦଶମିକ ୭୫ ପ୍ରତିଶତ ହେଉଛି । ତେଣୁ ଭୋଟ୍ ପ୍ରତିଶତ ଦୃଷ୍ଟିରୁ ଦ୍ରୌପଦୀଙ୍କ ବିଜୟୀ ହେବା ଏକ ପ୍ରକାର ନିଶ୍ଚିତ ବୋଲି କୁହାଯାଉଛି ।
Comments are closed.