ଭୁବନେଶ୍ୱର : ବିଏମସି ଅତିରିକ୍ତ କମିସନରଙ୍କୁ ମାଡ଼ ଘଟଣାର ନିନ୍ଦା କରିଛନ୍ତି ବିଜେପି ନେତା ଜଗନ୍ନାଥ ପ୍ରଧାନ । ଏହାସହ ବିଏମସି ଅତିରିକ୍ତ କମିସନରଙ୍କୁ ମାଡ଼ ମାରିବା ଘଟଣାରେ ସେ ପ୍ରିତିକ୍ରିୟା ଦେଇଛନ୍ତି । ଗଣମାଧ୍ୟମରେ ସବୁ ସତ କହିଛନ୍ତି ଜଗନ୍ନାଥ । ମୋତେ ବିଏମସି ଅତିରିକ୍ତ କମିଶନର ରତ୍ନାକର ସାହୁ ଖରାପ ବ୍ୟବହାର କରିଥିଲେ । ୩୪ନମ୍ବର ୱାର୍ଡର ସ୍ୱଚ୍ଛ ସାଥୀ ଭଉଣୀଙ୍କୁ ଚାକିରିରୁ ବାହାର କରିଦେବା ଧମକ ସହ ଦୁର୍ବ୍ୟବହାର କରିଥିଲେ । ରତ୍ନାକର ସାହୁ କହିଥିଲେ କର୍ପୋରେଟର ସ୍ୱାମୀଙ୍କ ସହ ତୁରନ୍ତ କମ୍ପ୍ରମାଇଜ କର । ତମକୁ କୌଣସି ଶକ୍ତି ରୋକିପାରିବେନି । ତମେ ଏଠୁ ବିଦା ହେବ । ଏନେଇ ସ୍ବଚ୍ଛସାଥୀ ଭଉଣୀ ଗତକାଲି ଖାରବେଳ ନଗର ଥାନାରେ ଲିଖିତ ଅଭିଯୋଗ ବି କରିଥିଲେ । ଏହି କଥାକୁ ନେଇ ମୁ ତାଙ୍କୁ ଫୋନ କରିଥିଲି । ମୁଁ ପଚାରିବାରୁ ମୋତେ ତମେ କିଏ, କାହିଁକି ପଚାରୁଛ କହି ଖରାପ ବ୍ୟବହାର କରିଥିଲେ । ସେଥିପାଇଁ ସୋସିଆଲ ମିଡ଼ିଆରେ ଗୋଟିଏ ହାତରେ ତାଳି ବାଜେନି ବୋଲି ଲେଖିଥିଲି ।
ସେ ନିଜ ପ୍ରତିକ୍ରିୟାରେ ଆହୁରି କହିଛନ୍ତି ୩୪ ନମ୍ୱର ଓ୍ବାର୍ଡର ଏସଏଚଜି ମହିଳାଙ୍କୁ ସରକାରୀ କାର୍ଯ୍ୟକ୍ରମରେ ନିଆଯାଉଛି । ଏହି କଥାକୁ ନେଇ ସେହି ଓ୍ୱାର୍ଡର କର୍ପୋରେଟର ସ୍ୱଚ୍ଛ ସାଥୀଙ୍କୁ ତାଗିଦ କରିଥିଲେ । କଣ ପାଇଁ ସରକାରୀ କାର୍ଯ୍ୟକ୍ରମରେ ଆମ ଲୋକଙ୍କୁ ନେଉଛ ବୋଲି କହିଥିଲେ । ଆମେ ବିଜେଡି କର୍ପୋରେଟର ଅଛୁ, ବିଜେପି କାର୍ଯ୍ୟକ୍ରମରେ ଏସଏଚଜି ମହିଳା ଯିବେନି ବୋଲି କର୍ପୋରେଟର କହିଥିଲେ । ଏକଥା କୁ ବିଏମସିରେ ମେୟରଙ୍କୁ ମଧ୍ୟ କହିଛନ୍ତି ସେହି କର୍ପୋରେଟର । ମେୟର ଏହାର ତଦାରଖ ଦାୟିତ୍ୱ ଅତିରିକ୍ତ କମିସନରଙ୍କୁ ଦେଇଛନ୍ତି। ଆଉ ଅତିରିକ୍ତ କମିସନର ତଦାରଖ କରି ରିପୋର୍ଟ ଦେବା ବଦଳରେ ସ୍ବଚ୍ଛ ସାଥୀ ମହିଳାଙ୍କୁ ଡାକି ଦୁର୍ବ୍ୟବହାର କରିଥିଲେ ।
ଅଭିଯୁକ୍ତମାନଙ୍କୁ ‘ତାଙ୍କ ପିଲା’ ବୋଲି ପଚରା ଯିବାରୁ ପ୍ରଧାନ କହିଛନ୍ତି, ବିଜେପି ସରକାର ଜନତାର ସରକାର। ଅତିରିକ୍ତ କମିଶନର ମଧ୍ୟ ଆମର। କାହାକୁ ‘ମୋ ପିଲା’ କୁହାଯିବ ନାହିଁ, ସେମାନଙ୍କୁ ଦୋଷୀ ମାନିବାକୁ ପଡ଼ିବ। ସେ ଆହୁରି କହିଛନ୍ତି, ବିଜେପି ଆମର ପରିବାର, ଏହା ଜନତାର ସରକାର। ମୁଁ ପୁଲିସ ସହ କଥା ହୋଇଛି, ସେମାନେ କାର୍ଯ୍ୟାନୁଷ୍ଠାନ ନେବେ।
Comments are closed.