ଭବାନୀପାଟଣା: କଳାହାଣ୍ଡି ଜିଲ୍ଲା ଆଦିବାସୀ ଅଧ୍ୟୁଷିତ ଥୁଆମୂଳ ରାମପୁର ବ୍ଲକରେ ଗତ କିଛି ମାସ କିଛି ଦିନ ହେବ ଅଜଣା ଝାଡାବାନ୍ତି ରୋଗ ଲାଗି ରହିଛି । ଇତି ମଧ୍ୟରେ ଅନେକ ଆକ୍ରାନ୍ତଙ୍କ ମୃତ୍ୟୁ ମଧ୍ୟ ହୋଇସାରିଛି । ବ୍ଲକର ମାଳିଗାଁ, ଗୋପୀନାଥପୁର, ପୋଡାପଦର, ପାଡେପଦର, ନାକୁରୁଣ୍ଡି, କିଆପଦର ଏବଂ ସିନ୍ଧିପଦର ଗ୍ରାମ ପଞ୍ଚାୟତର ବିଭିନ୍ନ ଅଞ୍ଚଳରେ ଏହି ରୋଗର ପ୍ରଭାବ ଦେଖିବାକୁ ମିଳିଛି ।
ବର୍ତ୍ତମାନ ବର୍ତ୍ତମାନ ପୁଣି ପାଡେପଦର ଗ୍ରାମପଞ୍ଚାୟତର ଭୁତଗୁଡା, ଦୁରେସ ପଦର, ମୁଣ୍ଡିଘାଟି ଏବଂ ଫୁକିଜାଲ୍ ଗାଁରେ ଏହି ରୋଗର ପ୍ରଭାବ ରହିଥିବା ସୂଚନା ମିଳିଛି । ଏହି ପଞ୍ଚାୟତର ହାଡସିଲ୍ ଗାଁରେ ଏହି ରୋଗର ପ୍ରଭାବ ଦେଖିବାକୁ ମିଳିଥିଲା । ଯେଉଁଥିରେ ଗୋଟିଏ ପରିବାର ଆକ୍ରାନ୍ତ ହୋଇଥିଲେ ଏବଂ ଏହି ପରିବାରର ଜଣକର ମୃତ୍ୟୁ ହୋଇଥିଲା । ସୋମବାର ଏହି ପଞ୍ଚାୟତର ଭୁତଗୁଡା ଗ୍ରାମରେ ଏହି ରୋଗ ଦେଖିବାକୁ ମିଳିଛି ।
ପ୍ରଭାବରେ ଜଣକର ଚିକିତ୍ସାଧୀନ ଅବସ୍ଥାରେ ନବରଙ୍ଗପୁର ତେ;ୁଳି ଖୁଣ୍ଟି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ମୃତ୍ୟୁ ହୋଇଥିବାବେଳେ ଦୁରେସ ପଦର ଗ୍ରାମର ସୁନାଧର ମାଝୀଙ୍କ ପରିବାରର ୩ ଏବଂ ମୁଣ୍ଡିଘାଟି ଗ୍ରାମର ସମ୍ବାରୁ ମାଝୀଙ୍କ ପରିବାରରେ ଅନେକ ଆକ୍ରାନ୍ତ ହୋଇଥିବା ସୂଚନା ମିଳିଛି । ମୃତକ ଜଣକ ହେଲେ ୩୫ ବର୍ଷୀୟା ସମାରୀ ମାଝୀ । ବର୍ତ୍ତମାନ ଏହି ରୋଗକୁ ନେଇ ପ୍ରଭାବିତ ଅଞ୍ଚଳର ସାଧାରଣ ଳୋକେ ଆତଙ୍କିତ ହୋଇପଡିଛନ୍ତି । ସ୍ୱାସ୍ଥ୍ୟ ବିଭାଗ ତୁରନ୍ତ ପ୍ରଭାବିତ ଅଞ୍ଚଳରେ ସ୍ୱାସ୍ଥ୍ୟସେବା ଯୋଗାଇବାକୁ ସଧାରଣରେ ଦାବି ହେଉଛି ।
Comments are closed.