ଭୁବନେଶ୍ୱର: ଜୁଲାଇ ୦୭: ପୁଣି ବିବାଦରେ ଦୈତାରୀ ପଣ୍ଡା । ଯାତ୍ରା ଜଗତର ଲୋକପ୍ରିୟ ଖଳନାୟକ ଦୈତାରୀ ପଣ୍ଡାଙ୍କ ନାଁରେ ପୁଣି ଆସିଲା ଅଭିଯୋଗ । ଟଙ୍କା ନେଇ କାମ କରୁନଥିବା ଭଳି ଅଭିଯୋଗ ଆସିଛି ଦୈତାରୀ ପଣ୍ଡାଙ୍କ ନାଁରେ । ଅଭିଯୋଗ ଅନୁଯାୟୀ ପାର୍ବତୀ ଗଣନାଟ୍ୟଠାରୁ ଅଗ୍ରୀମ ୧୫ ଲକ୍ଷ ଟଙ୍କା ନେଇଛନ୍ତି ଦୈତାରୀ । ହେଲେ ଯାତ୍ରା ପାର୍ଟିରେ ଯୋଗ ଦେଉନାହାନ୍ତି । ଏନେଇ ଥାନାରେ ଅଭିଯୋଗ ହୋଇଛି । ଏଭଳି ଅଭିଯୋଗ ଆଣିଛନ୍ତି ରାଜଧାନୀ ମିଡିଆ ହାଉସର କାର୍ଯ୍ୟନିର୍ବାହୀ ଅଧିକାରୀ ହର ବାରିକ । ସେ ବାଲେଶ୍ୱର ଔପଦା ଥାନାରେ ଏତଲା ଦେଇଛନ୍ତି । ଦୈତାରୀ ପଣ୍ଡାଙ୍କୁ ଚୁକ୍ତି ମୁତାବକ ୧୫ ଲକ୍ଷ ଟଙ୍କା ପାର୍ବତୀ ଗଣନାଟ୍ୟ ଦେଇଥିଲେ ମଧ୍ୟ ସେ ୧୫ ଦିନରୁ ଅଧିକ ସମୟ ହେଲା ସମ୍ପୃକ୍ତ ପାଟିର ଆଖଡ଼ା ଘରେ ପହଞ୍ଚୁ ନାହାନ୍ତି । ଏନେଇ ତାଙ୍କ ବିରୋଧରେ ଏତଲା ଦାୟର କରାଯାଇଛି । ତେବେ ଏହି ଟଙ୍କା ନେବା କଥାକୁ ସମ୍ପୂର୍ଣ୍ଣ ଖଣ୍ଡନ କରିଛନ୍ତି ନିଜେ ଦୈତାରୀ ପଣ୍ଡା ।
Comments are closed.