କେନ୍ଦ୍ରାପଡା : ଗାଧୋଇବାବେଳେ ମହିଳାଙ୍କୁ ଟାଣିନେଲା କୁମ୍ଭୀର । କେନ୍ଦ୍ରାପଡା ଜିଲ୍ଲା ଆଳି ବ୍ଲକ କୋଳିଡିହ ପଞ୍ଚାୟତରେ ଘଟିଛି ଏହି ଅଘଟଣ । ମୃତ ମହିଳା ଜଣଙ୍କ ତଅଁଳାଡିହା ଗ୍ରାମର କୈଳାଶ ମହାନ୍ତିଙ୍କ ପତ୍ନୀ କାଜଲ ମହାନ୍ତି ବୋଲି ଜଣାପଡିଛି । କାଜଲ ତାଙ୍କ ଝିଅଙ୍କ ସହ ଗାଧୋଇବାକୁ ଆସିଥିବାବେଳେ ଝିଅ ଆଖି ସାମ୍ନାରେ ଘଟିଛି ଏଭଳି ଅଘଟଣ । ମାଆକୁ କୁମ୍ଭୀର ଝାମ୍ପିନେବା ଦେଖି ଗାଁଲୋକଙ୍କୁ ଡାକିଥିଲା ଝିଅ । ଗ୍ରାମବାସୀଙ୍କ ସହିତ ଅଗ୍ନିଶମ ବାହିନୀ ଆସି ଘଟଣାସ୍ଥଳରେ ଖୋଜାଖୋଜି ଜାରି ରଖିଛନ୍ତି ।
ସୂଚନା ଅନୁସାରେ ଆଜି ଅପରାହ୍ନରେ ଝିଅ ସହିତ କାଜଲ ଖରସ୍ରୋତା ନଦୀକୁ ସଂଯୋଗ କରୁଥିବା ପାନିଆ ଯୋରକୁ ଗାଧୋଇବାକୁ ଯାଇଥିଲେ । ଏହି ସମୟରେ କୁମ୍ଭୀର ତାଙ୍କୁ ଟାଣି ନେଇଯାଇଥିଲା । ଝିଅ ପାଖରୁ ଖବର ପାଇ ଗ୍ରାମବାସୀ ଜୋରରେ ଖୋଜାଖୋଜି ଆରମ୍ଭ କରି ଅଗ୍ନିଶମ ବାହିନୀକୁ ଖବର ଦେଇଥିବା ବେଳେ ଏପର୍ଯ୍ୟନ୍ତ ମହିଳାଙ୍କ ସନ୍ଧାନ ମିଳିନାହିଁ ।
Comments are closed.