ମୁମ୍ବାଇ : ଟିମ୍ ଇଣ୍ଡିଆରୁ ବାହାରେ ଥିବା କ୍ରିକେଟର ପୃଥ୍ୱୀ ସ’ ଓ ତାଙ୍କ ସାଙ୍ଗକୁ ଆକ୍ରମଣ I ଏହା ସହ ତାଙ୍କ ସାଙ୍ଗଙ୍କ କାରକୁ ମଧ୍ୟ ଭଙ୍ଗାରୁଜା କରାଯାଇଥିବା ଜଣା ପଡିଛି । ଏହି ମାମଲାରେ ୮ ଜଣଙ୍କ ବିରୋଧରେ ପୋଲିସ ମାମଲା ରୁଜୁ କରିଛି।
ଘଟନାନୁସାରେ,ନିକଟରେ ପୃଥ୍ଵୀ ସ’ ନ୍ୟୁଜିଲ୍ୟାଣ୍ଡ ବିପକ୍ଷ ଟି -୨୦ ସିରିଜ ପାଇଁ ଭାରତୀୟ ଦଳରେ ସ୍ଥାନ ପାଇଥିଲେ, କିନ୍ତୁ ସେ କୌଣସି ମ୍ୟାଚ୍ରେ ସ୍ଥାନ ପାଇପାରିନଥିଲେ। ତେବେ ଆଜି ପୃଥ୍ୱୀ ସ’ଅ ତାଙ୍କ ବନ୍ଧୁ ସୁରେନ୍ଦ୍ର ଯାଦବ, ନିଜର କୌଣସି ବ୍ୟକ୍ତିଗତ କାମରେ ଏକ ହୋଟେଲ୍କୁ ଯାଇଥିବାବେଳେ ସେଠାରେ ୨ ଜଣ ଲୋକଙ୍କ ସହ ସେଲଫି ନେଇଥିଲେ । ଏହାପରେ ସେଠାରେ ଉପସ୍ଥିତ ଥିବା ଅନ୍ୟ ଲୋକମାନେ ମଧ୍ୟ ତାଙ୍କ ସହ ସେଲଫି ନେବାକୁ କହିଥିଲେ । ହେଲେ ପୃଥ୍ୱୀ ସ କିନ୍ତୁ ସେଲଫି ନେବାକୁ ମନା କରିଦେଇଥିଲେ । ତେବେ ଏହାପରେ ପୃଥ୍ୱୀ ସ ଏବଂ ତାଙ୍କ ବନ୍ଧୁ ସୁରେନ୍ଦ୍ର ଯାଦବଙ୍କ ଉପରେ ଆକ୍ରମଣ ହୋଇଥିଲା । ଅଭିଯୁକ୍ତମାନେ ତାଙ୍କର ପିଛା କରିବା ସହ ତାଙ୍କ ଠାରୁ ଅର୍ଥ ଦାବି କରିଥିଲେ ନହେଲେ କ୍ରିକେଟରଙ୍କୁ ମିଥ୍ୟା ମାମଲାରେ ଜଡିତ କରିବେ ବୋଲି ମଧ୍ୟ ଧମକ ଦେଇଥିଲେ I ଏହି ଘଟଣାରେ ପୋଲିସ ଏବେ ତଦନ୍ତ କରି ସମ୍ପୃକ୍ତ ୮ ଜଣ ଅଭିଯୁକ୍ତଙ୍କୁ ଗିରଫ କରିଛି I
Comments are closed.